Trafikonte njerëz drejt Anglisë, kontrabandisti britanik: Një bandë shqiptare më kërcënoi me vdekje

Një kontrabandist në Britani ka habitur gjykatësi pasi është shpehur se është kërcënuar me vdekje ai dhe familja e tij nga një bandë shqiptare.

Kontrabandisti është 51-vjeçari i quajtur Peter Martin, i cili u arrestua në hyrje të tunelit në Coquelles në Francën veriore. Në kohën kur u arrestua kontrabandisti u tha autoriteteve se kishte shkuar në Francë për të blerë birrë për një festë, por kur policia kontrolloi fugonin gjeti njerëz në vend të alkoolit, që do të trafikoheshin drejt Mbretërisë së Bashkuar.

Pasi u arrestua, Peter Martin e pranoi se po tentonte të trafikonte grupin e njerëzve por tha se gjithçka e kishte bërë nën presion dhe pas kërcënimeve të grupit shqiptar.

Megjithatë gjykata nuk u bind me deklaratat e Martin dhe të Premten u desh më pak se një orë për ta shpallur atë fajtor, duke e dënuar me 5 vjet e gjysmë burg.

David Fairclough, nga Drejtoria e Imigracionit në Mbretërinë e Bashkuar, tha: "Kjo ishte një përpjekje e sofistikuar për të kontrabanduar njerëzit në Britani në mënyrë të paligjshme"

"Martin e dinte se çfarë po bënte ishte e gabuar dhe në kundërshtim me pretendimet e tij, nuk po vepronte nën presion."

TAG:
• shqiptaret
• angli
• Londër
• trafik njerezish