POP 5

Lajmet më të lexuara të 5 minutave të fundit

Tragjedi në Mesdhe, mbyten 70 emigrantë

Të paktën 70 emigrantë janë mbytur këtë të premte në afërsi të brigjeve lindore të Tunizisë. Tragjedia ndodhi rreth 60 kilometra larg Sfaksit, në jug të kryeqytetit të Tunizisë.

 Varka me emigrantët nga Libia ishte nisur të enjten nga porti perëndimor libian me synimin për të mbërritur në Itali. Siç shkruan CNN, numri i viktimave pritet të jetë më i madh, pasi vazhdojnë kërkimet për gjetjen e trupave. Ministria e Mbrojtjes e Tunizisë tha se njësitë e marinës kanë arritur që të gjejnë vetëm 3 trupa. Ndërkohë, Organizata Ndërkombëtare për Migrim (IOM) ka njoftuar se kanë mbijetuar vetëm 16 persona.

Sipas shifrave të IOM, këtë vit kanë vdekur në Mesdhe 443 emigrantë.

Të premten, zëdhënësi i OKB-së, Babar Baloch u bëri thirrje qeverive në të gjithë botën për të ndihmuar, duke shprehur shqetësimin lidhur me mungesën e anijeve në dispozicion për të ndihmuar marrjen e emigrantëve dhe refugjatëve.

B.K.
Komento