Të tjera pamje tronditëse kanë dalë nga tragjedia në diskotekën e Koçanit, ku zbulojnë tmerrin që përjetuan të rinjtë, teksa nxitonin t’u shpëtonin flakëve.

Sipas raporteve rreth 500 veta ishin në ambientet e lokalit.

Nga pamjet e publikuara të rinjtë duken teksa shtyjnë njëri-tjetrin, në përpjekje për të dalë jashtë, ndërkohë që vendi është mbuluar nga tymi i zjarrit.

“Ikni sa më shpejt, sa më shpejt”, dëgjohen të bërtiturat e qytetarëve.

Kur ndodhi tragjedia

Tragjedia e rëndë u regjistrua mëngjesin  e 16 marsit në diskotekën ‘PULSE’ ku 59 të rinjtë humbën jetën ndërsa plagosurit po trajtohen në Maqedoninë e Veriut dhe jashtë vendit mes tyre, Bullgari, Kroaci, Greqi dhe Turqi.

Pas ngjarjes qytetarët kanë protestuar në Koçan, Shkup dhe vende të tjera ku kanë kërkuar drejtësi për viktimat.