Tragjedia me 3 viktima, Report Tv në Klos! Në vendin ku u vra 17-vjeçari vendosen lule! Familja Shira hap dyert e mortit! Banorët: Me fisin Mjeshtri kishin lidhje gjaku

Deputeti i Partisë Demokratike, Kreshnik Çollaku ka reaguar në lidhje me masakrën me tre të vrarë një ditë më parë në Dibër. Çollaku u shpreh se të gjithë jemi fajtor she se drejtorit të policisë i kishte mbetur që të mblidhte viktimat.

‘Çfarë pash unë dje? Pashë drejtorin e policisë së qarkut, ishte i fikur, si drejtor agjencia funerale. I kishte mbetur vetëm një gjë të mblidhte viktimat. Kryepolici gjithsesi duhet të ishte i fundit të ndihej me fat. Të gjithë jemi fajtor, një histori e nisur në bankat e shkollës, që çon dy familje në përplasje. Fajtor është varfëria, degradimi, rinia e shkollave të mesme kalon ditën nëpër klube me alkoole e hashash, pasi nuk bëhet më mësim në gjimnaz. Kryeministri trajtoj grevën e pedagogëve me shpërfillje e u thashë se në duart e tyre kemi fëmijët. Ja dhe fëmijët se çfarë bëjnë. Gjithçka ndodhi në një qytet shumë të mirë e të butë...’- u shpreh Çollaku.

Renato Hasula, 17 vjeç dhe babai  i tij Eglant Hasula, 39 vjeç e kanë kaluar rrezikun për jetën. Babë e bir mbetën të plagosur një ditë më parë nga plumbat e Fiqiri Mjeshtrit, në qendër të Klosit.

Për mikrofonin e Report Tv, të afërm të familjes Shira kanë zbuluar  një detaj tronditës nga ngjarja e rëndë në Klos. Ata shprehen se familja Shira me familjen Mjeshtri ishin kushërinj, prandaj janë shprehur të habitur se si djali Kenado Shira mund të ngacmonte vajzën e Fiqiri Mjeshtrit.

“Unë di si familje, i ati ka qenë shumë njeri pozitiv, ka pas punuar në Norgvegji me letra dhe gjithë pasurinë e kishte investuar këtu, dhe ka pas një djalë të vetëm, Kenado. Ka mbaruar shkollën profesionale. Familja Mjeshtri, madje e di që binin edhe gjak”.

“Ato janë gjak, janë të dytit kushëri”

“Jemi gjak e milet, të atin e çunit, Lirin, e njoh, ndërsa çunin nuk e njoh, jam habitur, se gjak të afërt tjetri, gjak këto, kështu shkuan punët”, thanë të afërmit.

KLOS- Pas marrjes në pyetje, vëllezërit e autorit të krimit të dyfishtë në Klos, Fatmir e Besnik Mjeshtri, janë lënë të lirë. Shtatë herë u shkrep arma e zjarrit pasditen e djeshme nga Fiqiri Mjeshtri, një prej plumbave dhe të fundit, vetes. U qëllua me një pistoletë tip TT, të cilën 39-vjeçari e kishte pa leje.

Mësohet se dy të miturit, Kenado Shira dhe Renado Hasula, njiheshin me vajzën e Fiqiriut, 17 vjeçe, madje e mitura pretendon se përndiqej nga dy bashkëmoshatarët, kryesisht përmes rrjeteve sociale.

Në korrik të këtij viti vajzës iu vodhën dy adresa në rrjetin social Instagram, fillimisht nga Kenado, i cili e shantazhonte dhe kërcënonte se do t'ia bënte publike të gjitha pamjet dhe fotot që kishte në bisedat e rrjetit social. Tre javë më parë është diskutuar dhe sqaruar mes familjeve kjo histori dhe konsiderohej e mbyllur. Pesë ditë para masakrës me tre viktima dhe dy të plagosur, Renado Hasula ka rinisur ta kërcënojë të miturën.

Ajo, tre ditët e fundit nuk është paraqitur fare në shkollë, nga shantazhi dhe kërcënimet. Pas këtij momenti, ajo i tregoi të atit çfarë po ndodhte, teksa ky i fundit ka thirrur të atin e Kenados, Liri Shira dhe vëllain e vetë, Fatmirin, për të sqaruar situatën. Në kafenenë ku janë takuar nisi debati, që përfundoi në të shtëna me armë zjarri.

Në vendin e ngjarjes u gjetën 5 gëzhoja, por u qëllua me shtatë plumba, pasi njëra nga predhat u konstatua më vonë në vendngjarje. Vëllezërit e tij komunikuan me policinë pas krimit për të negociuar me Mjeshtrin, por që pas disa minutash u gjet i vetëvrarë 100 m larg banesës së tij.

Renado ka deklaruar para hetuesve, i pyetur në Spitalin e Traumës, ku ndodhet për mjekim, se do të japë shpjegime në një moment të dytë, duke treguar shkurtimisht historinë që ka përmbajtjen e deklarimeve të të miturës. Babai i tij, Eglantin Hasula ndodhet në reanimacion në gjendje të rëndë dhe në pamundësi për të dëshmuar.

Besnik, Fatmir dhe Fiqiri Mjeshtri