Andrea Tedesco ka mbyllur zyrtarisht aventurën e tij në krye të Kombëtares U-17 të Shqipërisë. Trajneri italian ka konfirmuar largimin përmes një mesazhi në kanalet e komunikimit, ku falenderon Shqipërinë dhe shpreh gatishmërinë për sfidën e radhës.

“Çfarë udhëtimi. Faleminderit Shqipëri. Shoh përpara për eksperiencën e radhës”, shkruan ai në profilin e tij zyrtar.

41-vjeçari mori drejtimin e kuqezinjve të vegjël në korrik të vitit 2024 dhe kulmi i zhgënjimit të tij ishte pjesëmarrja në Euro U-17, ku Shqipëria u eliminua në fazën e grupeve, pas tre humbjeve të thella dhe pa asnjë gol të shënuar. Një paraqitje kjo që u vlerësua si zhgënjyese në opinionin sportiv.

Përpara se të punonte me ekipin kuqezi, Tedesco kishte përvojë si trajner me Napoli U-19 si dhe me kombëtaren U-19 të Maltës.

Largimi i tij lë të hapur vendin e pankinës së Kombëtares U-17, me FSHF-në tashmë në kërkim të një pasuesi, ndërkohë që përgatitjet për turnetë e ardhshëm europianë vazhdojnë.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Korrik, 08:12

    Aksioni ndaj objekteve pa leje në sezon turistik, a dëmtohet imazhi i vendit?

Lajme të tjera