Trajneri i vitit, Simeone mposht
Zidane e Ranieri, Guardiola i 4-ti

Federata Ndërkombëtare e Historisë dhe Statistikave të Futbollit (IFFHS) ka publikuar listën e trajnerëve më të mirë të vitit në botë për klube.
 
Surpriza e kësaj liste është se trajneri më i mirë është shpallur strategu i Atletico Madridit, argjentinasi Diego Simeone.
 
Simeone ka grumbulluar më shumë pikë se të gjithë në këtë renditje, duke lënë pas Zinedine Zidane të Real Madridit me vetëm 5 pikë diferencë.
 
Simeone nuk ka fituar asnjë trofe, teksa ka arritur deri në finalen e Ligës së Kampionëve, por ecuria e tij me një ekip pa shumë yje ka ndikuar në votimin e përfaqësuesve të 56 vende të ndryshme.
 
Vendi i tretë i takon Claudio Ranierit që fitoi titullin e kampionit në Premier Ligë me Leicester City. Vendi i katërt Pep Guardiolës. Lista e 10 trajnerëve më të mirë të vitit vijon me Unai Emery (Sevilla/PSG) 38 pikë, Luis Enrique (Barcelona) 24 pikë, Jurgen Klopp (Liverpool) 16 pikë, Mauricio Pochettino (Tottenham) 15 pikë, Massimiliano Allegri (Juventus) 6 pikë si dhe Pitso Mosimane (Mamelodi Sundoëns) 5 pikë.
 
Lista e plotë:
1. Diego Simeone (Atletico Madrid) 113 pikë
 
2. Zinedine Zidane (Real Madrid) 108 pikë
 
3. Claudio Ranieri (Leicester City) 86 pikë
 
4. Pep Guardiola (Bayern Munich/Manchester City) 62 pikë
 
5. Unai Emery (Sevilla/PSG) 38 pikë
 
6. Luis Enrique (Barcelona) 24 pikë
 
7. Jurgen Klopp (Liverpool) 16 pikë
 
8. Mauricio Pochettino (Tottenham) 15 pikë
 
9. Massimiliano Allegri (Juventus) 6 pikë
 
10. Pitso Mosimane (Mamelodi Sundowns) 5 pikë

Redaksia Online
l.q/Shqiptarja.com