Kryebashkiaku Erion Veliaj nderoi me Medaljen e Mirënjohjes së qytetit një nga figurat e shquara të volejbollit shqiptar, trajnerin e ekipit të vajzave, Ardian Gorenca. Gjatë një ceremonie surprizë, me rastin e daljes së tij në pension, “Sport Klub Tirana” dhe Veliaj i shprehën atij mirënjohjen për kontributin e dhënë ndër vite, duke trajnuar mbi 10 breza të ekipit elitë të volejbollit të vajzave në Shqipëri.
“Të themi faleminderit për kujtimet e bukura, energjinë, zellin dhe dashurinë që i ke dhënë kësaj skuadre, por edhe qytetit. Skuadra që ke ndërtuar me kaq shumë mund e djersë, është shija që i ke dhënë qytetit, si ajo ‘kripa për gjellën’. Të falenderoj shumë sepse ke qenë shija e qytetit tonë”, u shpreh ai.
Kryebashkiaku tha se trajneri Gorenca u ka mësuar brezave të volejbollit të Tiranës shpirtin e karakterit të skuadrës.
“Dalja në pension është një fazë tjetër e jetës, por mund të japësh ende kontribut, ka ende produktivitet, jep ende këshilla dhe energji. Ka shumë njerëz që merren me sport për të mbajtur trupin në formë, por unë besoj se është më shumë se kaq; marrja me sport të mban në formë karakterin. Vajzave të ekipit të Tiranës u ke mësuar karakterin, prandaj të falenderoj”, u shpreh ai.
Trajneri me një karrierë të gjatë dhe mjaft trofe mbi supe, ia atribuon suksesin e tij vajzave të ekipit të Tiranës ndër vite.
“Nuk e prisja, është një respekt shumë i madh. Për mua, është diçka madhështore. Suksesin e kemi arritur falë vajzave. Ju falënderoj nga zemra”, u shpreh ai.
Ardian Gorenca ka koleksionuar trofe dhe tituj të panumërt, si me ekipin e të rejave dhe me atë të të rriturave, brenda dhe jashtë Shqipërisë. Nën drejtimin e tij, ekipi i Tiranës ka qenë fitues i kampionatit kombëtar në vitet: 1992, 1994, 2008, 2009, 2010, 2013, fitues i Kupës së Shqipërisë në vitet 2008, 2012 dhe 2013, si dhe fitues i Superkupës në volejboll për femra, duke u renditur mes më të mirëve për sa i përket suksesit dhe numrit të trofeve. Bardheblutë janë gjithashtu fitues të Superkupës Mbarëkombëtare në vitin 2011.
Nën drejtimin e tij, ekipi i vajzave të Tiranës ka arritur një nga rezultatet të volejbollit të femrave shqiptare, si ai i sezonit 1994-1995, ku ekipi bardheblu u rendit ndër 8 më të mirët në Kupën e Kampioneve në Europë, sikurse pjesëmarrja në Turneun e Katërt Ndërkombëtar të Femrave në Partinico (Itali) në 1992, ku mori medaljen e argjendit.
Lajme të tjera
-
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05 -
Pesë qytetarë betohen për shtetësinë shqiptare, Veliaj: Krenar që i bashkohen energjisë së jashtëzakonshme të Tiranës
16 Dhjetor, 18:08 -
Esencë në REPORT TV, 42 kryetarët e Bashkisë së Tiranës, zgjedhjet, akuzat dhe historitë e tyre tragjikomike!
15 Dhjetor, 22:32
-
Botërori i Skive/ Veliaj pret Colturin: 2024 viti i rekordeve! Skiatorja: Emocion i veçantë
15 Dhjetor, 12:34 -
Tirana, Kryeqyteti Mesdhetar i Kulturës dhe Dialogut, Veliaj: Hapim dy muze të rinj në qytet
15 Dhjetor, 10:22 -
Buxheti 2025, Veliaj: Buxheti i solidaritetit në çdo etapë të jetës së qytetarëve të Tiranës
14 Dhjetor, 17:43 -
Nga 1 janari 2025, pensionistët udhëtojnë me abone falas në Tiranë, ja si do të funksionojë
14 Dhjetor, 10:29 -
Buxheti/ Veliaj: Bëjmë të gjitha rrugët e lagjeve që lidhen me Unazën e Madhe, modernizojmë transportortin urban në Tiranë
13 Dhjetor, 22:01 -
Buxheti për 2025, Veliaj: Transport falas për të gjithë pensionistët në Tiranë, ja si do bëhet regjistrimi për abonenë
13 Dhjetor, 18:16 -
Hungaria mbyll mandatin 6-mujor të Presidencës së Bashkimit Europian, Veliaj: BE po rritet më e fortë
12 Dhjetor, 16:06 -
Hetimi pasuror i SPAK, Ajola Xoxa dhe Arbër Veliaj ankimojnë kontrollet e agjentëve të BKH-së
12 Dhjetor, 14:22
