TIRANW- Urdhri doli, por e mërkura nuk i gjeti në punë të gjitha mjetet e transportit publik. Sa nga kërkesat e shoqatave dhe sa nga kakofonia e informacioneve, sediljet ishin thuajse bosh!

Edhe këtë të enjte, situata ishte e njëjtë... Transporti në Shqipëri është hapur pjesë-pjesë. Pritja në stacionet e linjave urbane brenda Tiranës, është e kotë! As të premten në kryeqytet nuk do të dalin në punë autobusët urbanë.

Vendimi është marrë nga Unioni i Shoqatave të Transportit Publik në një takim me administratorët e autobusëve ndërqytetës si dhe me përfaqësues të urbanëve. Pa u ndryshuar protokolli dhe pa u plotësuar kërkesat e tyre, askush nuk do të dalë në rrugë, duke vënë në pikëpyetje edhe linjat që dolën në punë kur morën urdhrin në “dorë”.

Zgjidhjen nuk e shohin përmes deklaratave publike, por uljen në një tavolinë me Ministren e Infrastrukturës Belinda Balluku.

Paga e dytë e luftës nuk është e vetmja kërkesë e tyre.  Heqje akcizës për naftën, si dhe e TVSH-së për vitin 2020, rimbursim për vendet që bosh, biletë edhe për kategoritë me libreza apo abone, dhe rimbursimin e tyre ta marrë përsiër shteti, janë ndër kërkesat që kanë mbetur pa firmë miratimi.

Zbatimi i protokollit sipas tyre është i vështirë, ndaj fatorinot dhe shoferi nuk duhet të gjobiten nëse pasagjerët nuk respektojnë rregullat.