POP 5

Lajmet më të lexuara të 5 minutave të fundit

Kronikë

Transballkanikja,Kokëdhima takon 
banorët: I kemi parasysh kërkesat 

Banesat në lagjen “Kushtrim” të Vlorës të parashikuara për tu shembur në kuadër të rrugës Trans-ballkanike do të jenë pjesë e debateve dhe konsultimeve të qeverisë.Garancia për këtë u është dhënë banorëve nga deputeti socialist i zonës, Koço Kokëdhima, i cili zhvilloi një takim me banorët e zonës  VIDEO
Transballkanikja,Kokëdhima takon <br />banorët: I kemi parasysh kërkesat 
VLORË - Banesat në lagjen “Kushtrim” të qytetit të Vlorës të parashikuara për tu shembur nga Inspektorati Kombëtar i Mbrojtjes së Territorit në kuadër të rrugës Trans-ballkanike do të jenë pjesë e debateve dhe konsultimeve të qeverisë Rama.

Garancia është dhënë nga deputeti socialist i zonës, Koço Kokëdhima, i cili zhvilloi një takim me banorët e zonës, duke thënë se problemet e tyre do të jenë në vëmendjen e qeverisë, e cila do të shqyrtojë çdo rast.

Ai pohoi se IKMT-ja nuk është institucion i pavarur dhe kërkesat e banorëve do shqyrtohen me seriozitet pasi shumë prej tyre jetojnë prej 70 vitesh në këto banesa.
 
“Me siguri që do të ketë disa reflektime dhe disa qëndrime me qëllim që të konsiderohen shumë raste që duhen konsideruar. Shumë banorë atje kanë të njëjta të drejta për legalizim siç i kanë banorët në territoret e tjera të Shqipërisë që përfitojnë nga ligji për legalizimet dhe përfitojnë nga programet tona politike dhe në këtë pikëpamje këta banorë padyshim që nuk do të diskriminohen dhe nuk mund të diskriminohen”, u shpreh deputeti socialist.
 
koco kokedhima

Kur të përfundojë ky proces dhe palët të bien dakord atëherë do nisë puna për rikonstruksionin e rrugës.
 
“I kam dëgjuar këto banorë një për një dhe jam informuar për situatën dhe problemin që kanë. Ajo rrugë që bëhet atje është një lajm i mirë për Shqipërinë, sigurisht që duhet të jetë dhe do të jetë një lajm i mirë edhe për vetë banorët e asaj zone, ajo rrugë nuk është fatkeqësi për askënd”, tha deputeti Koço Kokëdhima.
 
Qeveria ka vendosur dëmshpërblimin e të gjitha banesave që preken nga ndërtimi i rrugës transballkanike. Për ato që janë të legalizuara do të dëmshpërblehen me njëherë, ndërsa banesat që kanë qenë në proces legalizimi, qeveria do t’i paguajë 2 vjet qeranë dhe do t’i kthejë të gjitha paratë që kanë shpenzuar gjatë procesit për legalizimin e tyre.

Redaksia Online
(Gre.M/Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ 'Mangalem's Shade', magjia e dritave në lagjen muzeale të Beratit

VIDEO/ 'Mangalem's Shade', magjia e dritave në lagjen muzeale të Beratit

25 Dhjetor, 09:03 nga Mimoza Sinanaj