POP 5

Lajmet më të lexuara të 5 minutave të fundit

Sport

Transferta në Shkodër, Gugash Magani: Tirana s'ka rrugë tjetër veç fitores, 2025 do jetë ndryshe

Të premte në orën 17:00 në "Loro Boriçi" të Shkodrës luhet 'Klasikja' e futbollit shqiptar mes Vllaznisë dhe Tiranës.

Transferta në Shkodër, Gugash Magani: Tirana s'ka rrugë tjetër veç fitores, 2025 do jetë ndryshe

Gugash Magani, trajneri i Tiranës

Të premte në orën 17:00 në "Loro Boriçi" të Shkodrës luhet 'Klasikja' e futbollit shqiptar mes Vllaznisë dhe Tiranës. Miqtë nga kryeqyteti po kalojnë ditë të këqija dhe për mediet trajneri Gugash Magani pranoi se nuk ka rrugë tjetër veç tri pikëve, kjo për ta nisur vitin 2025 me shpresë.

Përpara ndeshjes që vlen për javën e 20-të në Superligës trajneri konfirmoi se presin afrime të tjera në merkaton e janarit, teksa bardheblutë kanë zyrtarizuar sulmuesin Emmanuel Ernest dhe duket se kanë regjistruar mesfushorin Erisildo Smaçi.

“Padiskutim që 'Klasikja e Shqipërisë' cilësohet si derbi, e rëndësishme është që ne jemi shumë të karikuar sepse nuk kemi alternativë tjetër, kemi bërë shumë gabime rrugës dhe do të jemi të kujdesshëm, do të futemi për të marrë gjithçka, maskimumin e pikëve.

Merkato - Dy lojtarë janë federuar me Tiranën, do jenë pjesë e stolit, është rikthyer Jarmouni. Kemi dy mungesa si Soler dhe Kola. Çdo skuadër ka nevojë për lojtarë, janë larguar 4 të tillë dhe jo të gjithë kanë pasur minuta. Po mundohemi që në vendet vakante t'i zëvendësojmë, lojtarë si Smaçi do na bëjë punë, e njeh kampionatin shqiptar dhe ka një ritëm tjetër.

Rrezikon Tirana të mbetet në zonën e ftohtë? Nuk mund të bëj parashikuesin, nëse s'do kisha bindje për skuadrën nuk do ta merrja drejtimin, më bind klubi që është më i titulluar në Shqipëri, presim dy goditje të tjera.

Tirana e 2025-ës padyshim do të jetë shumë e ndryshme. Po mundohemi për mesfushën se repartet e tjera janë të kompletuara, në sulm kemi luksin për të përdorur 4 lojtarë.

Kemi punuar mos kemi presion artificial, presioni sportiv është prezent pasi ndryshe s'ka motivim. Vetë klubi ka të dyja objektivat, në kampionat jemi shumë larg, por do bëjmë të pamundurën për të vazhduar më tej”, tha Gugash Magani.

Tirana me 18 pikë mban vendin e tetë dhe ka vetëm dy fitore këtë sezon, ndërsa Vllaznia me 31 pikë ndodhet në pozitën e tretë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49