Transmetimet dixhitale
Qeveria miraton strategjinë

TIRANË – Në Shqipëri transmetime dixhitale tashmë do të funskionojnë mbi një bazë të plotë ligjore. Qeveria i ka kaluar sot Kuvendit projektligjin mbi kalimin e rrjeteve televizive në transmetim dixhital. Miratimi i kësaj strategjie synon zhvillimin në Shqipëri të trasmetimit dixhital si transmetimi më cilësor që ekziston.
“Është bërë një punë serioze. Përgëzoj mediat që kanë filluar transmetimin dixhital falas. Jam informuar se edhe media të tjera do të ndjekin këtë rrugë dhe kjo është shumë positive. Brenda vitit 2015 duhet të garantojmë transmetim dixhital në shkallë vendi”, tha kryeministri në mbledhjen e qeverisë.

STRATEGJIA E HARTUAR NGA KKRT
Kjo Strategji e kalimit nga sistemi analog në atë numerik parashikon objektivat kryesore dhe parimet e kalimit, formulon rolin e shtetit dhe të strukturave përkatese të administrates shtetërore në krijimin e kushteve të kalimit në sistemin numerik, vlerësimin e situatës ekzistuese teknike dhe ligjore të peizazhit audiovisual shqiptar si dhe përcakton hapat, procedurat dhe afatet e kalimit brenda vitit 2012.
Kalimi në sistemin numerik do të luaje një rol themelor në zhvillimin e
përgjithshem të Shoqerise së Informacionit, meqenëse dixhitalizimi i
informacionit do të bëjë të mundur mbledhjen, procesimin dhe qarkullimin në sasi më të mëdha dhe cilesi më të lartë të të dhënave. Kusht kryesor është njohja e teknologjisë dhe funksionimit të sistemit numerik, shoqëruar me investimet dhe kostot përkatëse sipas tipit të rrjetit që do të ndertohet.

(aq/shqiptarja.com)

TAG:
• transmetime dixhitale