POP 5

Lajmet më të lexuara të 5 minutave të fundit

Kronikë

Transporti i invalidëve, Ministri
Veliaj letër Bashës dhe minibashkive

 Vendosja e biletave për ata invalidë që përdorin transportin publik, duket se ka sjellë një tjetër përplasje mes qeverisë dhe pushtetit vendor.
Transporti i invalidëve, Ministri<br />Veliaj letër Bashës dhe minibashkive
TIRANE-e Ligji i ndryshuar pak kohë më para parashikon se që nga data 1 qershor të gjithë invalidët duhet të paguajnë biletë urbani. Kjo ka bëtë që këta të fundit të reagojnë duke kundërshtuar vendimin e marrë, ndërsa kërkojnë që transporti i tyre të mbulohet nga shteti.

Kjo përplasje ka bërë që Ministri i Mirëqenies Sociale Erion Veliaj tu dërgojë një letër ëta hapur bashkive të Tiranës, Durrësit, Vlorës, Korçës, Elbasanit, Shkodrës, Beratit dhe Fierit të marrin masa për udhëtimin falas me mjetet e komunikacionit qytetas privat. “E drejta e invalidëve të punës për udhëtimin falas në mjetet e komunikacionit qytetas privat është e përcaktuar edhe në dokumentacionin licencues dhe certifikues të shoqërive të transportit” thuhet në letrën e Veliajt. Ndërkohë që po në këtë dokument përcaktohet edhe baza ligjore ku duhet të mbështet pushteti vendor për të marrë masa në mënyrë që të sigurohet udhëtimi falas për këtë kategori personazh në nevojë.

“Kështu, sipas  Udhëzimit nr. 20, datë 10.10.2007 të  Ministrit të Transportit "Për  modelet e licencave, autorizimeve dhe certifikatave për ushtrimin e veprimtarisë në transportin rrugor", i ndryshuar, mbajtësi i licencës së transportit rrugor mban përgjegjësi për zbatimin e legjislacionit në fuqi për të drejtën e udhëtimit qytetas falas, rrethqytetas dhe ndërqytetës me 50% të vlerës së biletës, për invalidët e punës. Duke qenë se  autoritetet përgjegjëse për lëshimin e këtyre licencave janë njësitë e qeverisjes vendore, ato duhet të marrin të gjitha masat e nevojshme për plotësimin e detyrimeve të parashikuara në licencë për subjektet që kryejnë transport rrugor.

Në rast të kundërt mund të kërkojnë heqjen e licencës për subjektet që nuk i  përmbushin këto detyrime” thuhet në letrën e Veliajt. Sipas këtij të fundit, do të jetë Ministria e Mirëqenies Sociale dhe Rinisë që do të vazhdojë monitorimin e kësaj çështjeje në  vazhdimësi dhe do të procedojë me të gjitha mjetet ligjore në dispozicion në rast se do të konstatohen shkelje të legjislacionit në fuqi.

Shkrimi u botua në Shqiptarja.com (print) në 28 maj 2014
(d.a/shqiptarja.com) 

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Lufta/ Turqia ratifikon pranimin e Finlandës në NATO! Shtëpia e Bardhë: Amerikanët duhet të largohen menjëherë nga Rusia

Lufta/ Turqia ratifikon pranimin e Finlandës në NATO! Shtëpia e Bardhë: Amerikanët duhet të largohen menjëherë nga Rusia

31 Mars, 07:16