Transportonin drogë me makinë, pranga tre shqiptarëve në Greqi (FOTO)

Droga e sekuestruar

Një operacion i përbashkët anti-drogë i organizuar nga policia e Igumenicës në bashkëpunim me atë të Athinës, në kufirin greko-shqiptar, ka bërë të mundur ndalimin e tre shtetasve shqiptarë të cilët transportonin lëndë narkotike.

Operacioni i parë është organizuar ditën e djeshme në orët e para të mëngjesit, pranë Igumenicës, ku u ndalua një mjet brenda të cilit u gjetën 32 kg e 430 gramë marijuanë.  Drejtuesi i mjetit ku u gjet lënda narkotike është 28-vjeçari Altin Trapi i cili ka deklaruar se  drogën e kishte marrë pranë doganës  së Mavromatit në zonën e Qafë-Botës.

Po në të njëjtin vend, mbrëmjen e djeshme është ndaluar një tjetër mjet, në shasinë e të cilit ishin fshehur 21 kg e 180 gramë marijuanë. Mediat greke raportojnë se drejtuesi i mjetit dhe pasagjeri ishin shqiptarë, përkatësisht 19 vjeçari Xhoni Hasakolli dhe 24 vjeçari Xhuliano Bregu, të cilët kanë rënë në prangat e policisë.

Droga e kapur që po transportohej me makinë

/er.k./Shqiptarja.com
  • Sondazhi i ditës:

    A mendoni se Rama e Basha do të bëjnë kompromis për të ardhmen e Shqipërisë?

Komento


×

Lajmi i fundit

John

Korçë/ Zjarr në fshatin Vithkuq, rrezikohet Manastiri i Shën Pjetrit, Monument Kulture