Tre gra nga Ukraina, Irani dhe Turqia fituan më 9 janar çmimin për të drejtat e njeriut ‘Olof Palme’ që ndahet në Suedi. Ky çmim vjetor ndahet për kontribut në mbrojtjen e të drejtave dhe lirive të grave.
Marta Chumalo nga Ukraina, Narges Mohammadi e Iranit dhe Eren Keskin nga Turqia u nderuan për “përpjekjet e tyre në luftën për të siguruar lirinë e grave, në një epokë kur të drejtat e njeriut kërcënohen nga lufta, dhuna dhe shtypja”, tha Fondi Përkujtimor Olof Palme në një deklaratë.
Chumalo, një psikologe dhe feministe, u vecua si një nga themeluesit e organizatës joqeveritare “Perspektivat e Grave”, një OJQ që promovon të drejtat e grave dhe lufton dhunën ndaj grave.
“Që nga viti 2014, dhe veçanërisht që nga pushtimi i plotë i Ukrainës nga Rusia në vitin 2022, Marta Chumalo është përfshirë shumë në rritjen e ndërgjegjësimit për efektet e luftës dhe në adresimin e nevojave të viktimave të saj”, tha fondi.
"Gazetarja dhe aktivistja për të drejtat e njeriut Mohammadi ka qenë një figurë qendrore në luftën për të drejtat e grave dhe lirinë e fjalës në Iran”, tha juria.
Ajo ishte një nga themeluesit e Këshillit Kombëtar të Paqes iraniane. Përfshirja e saj në mbrojtjen e të drejtave të grave “ka çuar në arrestimin e saj të përsëritur dhe ajo ka vuajtur disa dënime me burg.
"Ajo ka qenë e burgosur që nga nëntori i vitit 2021 pasi u dënua për veprimtari propagandistike kundër shtetit, tha fondi.
Avokatja e të drejtave të njeriut Eren Keskin u nderua për dekada të tëra duke mbrojtur të diskriminuarit në vendin e saj, duke përfshirë “minoritetet etnike, pjesëtarët e LGBTQI+ dhe refugjatët”.
Juria vuri në dukje se ajo ka qenë objektiv i kërcënimeve me vdekje dhe ndjekjeve penale dhe “gjithashtu është burgosur për bindjet e saj”, duke bërë që Amnesty International ta emërojë atë “një të burgosur ndërgjegjeje”. Ceremonia e ndarjes së çmimeve do të mbahet në Stokholm më 1 shkurt.
Çmimi ‘Olof Palme’ është një çmim vjetor me vlerë 100,000 dollarë, i dhënë nga Fondi Përkujtimor Olof Palme.
Ai përkujton kujtimin e kryeministrit socialdemokrat të Suedisë, Olof Palme, një avokat i hapur ndërkombëtar i të drejtave të njeriut dhe kundërshtar i ashpër i përfshirjes së SHBA-së në Luftën e Vietnamit, i cili u vra në Stokholm në 1986.
Që nga viti 1987, çmimi ka nderuar mbrojtësit e të drejtave të njeriut në mbarë botën, duke përfshirë mjekun kongolez dhe laureatin e Çmimit Nobel për Paqen Denis Mukëege, ish-Sekretarin e Përgjithshëm të Kombeve të Bashkuara Kofi Annan dhe sinjalizuesin e Pentagon Papers, Daniel Ellsberg./REL/
Lajme të tjera
-
Dyshimet për përdhunim, bien akuzat për Kylian Mbappe për 'prova të pamjaftueshme'
12 Dhjetor, 11:23 -
Çfarë kemi frikë në të vërtetë ne shqiptarët?
9 Dhjetor, 12:14
-
Hidhet bojë me dron mbi Ambasadën ruse në Suedi
29 Nëntor, 22:05 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
Suedia dhe Finlanda u bëjnë thirrje banorëve të bëhen gati për mundësinë e luftës
18 Nëntor, 16:29 -
VIDEO/ Duhet parë për t'u besuar, në Suedi trukojnë hapur ndeshjen me tre autogola naiv! Nisin hetimet
6 Nëntor, 12:43 -
Akuzat për përdhunim, Kylian Mbappe bën prapakthehu: Po, kam pasur marrëdhënie konsensuale! Denoncimi nga një tjetër femër
17 Tetor, 12:20 -
Hetimi në Suedi për përdhunim, avokatja e Kylian Mbappe: Ka qenë i shoqëruar në çdo moment
16 Tetor, 13:43 -
Shqipëria dhe Suedia forcojnë bashkëpunimin për reformat në sistemin penitenciar
26 Shtator, 21:50 -
Sven Goran Eriksson përcillet sot për në banesën e fundit
13 Shtator, 10:24 -
Lija e majmunëve, Suedia konfirmon rastin e parë në Europë! OBSH e shpalli urgjencë globale
15 Gusht, 18:41
