Tre astronaut kinezë janë kthyer në Tokë pasi kanë përfunduar misionin e tyre prej gjashtë muajsh në stacionin hapësinor të Kinës. Për herë të parë në ekipin e tyre ka qenë një grua.
Misioni i tyre hapësinor u zhvilluar për të kontrolluar fazën përfundimtare të ndërtimit të stacionit hapësinor të quajtur Tiangong. Ata kanë qenë pjese e këtij misioni 6-mujor, që më 5 qershor deri në përfundimin e tij në nëntor. Agjencia hapësinore e ka thënë se ky ishte një mision i suksesshëm për skuadrën hapësinore kineze, duke folur me superlativa për të.
Komandanti Chen Dong dhe kolegët e skuadrës Liu Yang dhe Cai Xuzhe treguan për mediat kineze përjetimet e tyre në këtë mision dhe thanë se janë ndjerë mirë pas uljes në Tokë.
Stafi në vendin e uljes nxori ekuipazhin nga kapsula e daljes, e cila u ul pak pas orës 20:00 me orën lokale, rreth nëntë orë pasi u shkarkua nga stacioni hapësinor.
Për herë të parë, pjesë e këtij ekuipazhi ishte një grua.
Zonja Yang, astronautja e parë femër e Kinës, tha se ajo kishte një kujtim të paharrueshëm në stacionin hapësinor dhe “është e emocionuar për t’u kthyer në atdhe”, njoftoi agjencia shtetërore e lajmeve Xinhua.
Ndërsa ishin në hapësirë, tre astronautët mbikëqyrën mbërritjen e moduleve të dytë dhe të tretë për Tiangong dhe kryen tre shëtitje në hapësirë për të kontrolluar dhe testuar objektet e reja. Një ekuipazh i ri prej tre astronautësh kinezë mbërriti në stacionin hapësinor për të bërë dorëzimin e parë të ekuipazhit në orbitë të mërkurën.
Sipas Agjencisë Hapësinore të Kinës, ekuipazhi i ri u ngrit në anijen kozmike Shenzhou-15 nga qendra e nisjes satelitore Jiuquan në shkretëtirën Gobi në Kinën veriperëndimore.
Kina është vetëm vendi i tretë në histori që ka vendosur të dy astronautët në hapësirë dhe që ka ndërtuar një stacion hapësinor, pas Bashkimit Sovjetik dhe SHBA-së.
Stacioni hapësinor Tiangong, ose “Pallati Qiellor”, është stacioni i ri hapësinor i përhershëm i Kinës. Vendi ka nisur më parë dy stacione hapësinore provë të përkohshme, të quajtura Tiangong-1 dhe Tiangong-2
Lajme të tjera
-
Cilat vende e kanë ndaluar TikTok-un dhe pse?
20 Nëntor, 22:33 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Forumi i Bashkëpunimit Ekonomik Azi-Paqësor, Biden takohet me presidentin kinez Xi Jinping
17 Nëntor, 16:30 -
Lidhjet e Koresë së Veriut me Rusinë, në qendër të takimit të fundit të presidentit Joe Biden me presidentin Xi Jiping
16 Nëntor, 20:49 -
I riu vret me thikë 8 persona dhe plagos 17 të tjerë pasi nuk mori dot diplomën
16 Nëntor, 20:21 -
Kina zhvillon stërvitje ushtarake afër Filipineve
13 Nëntor, 16:48 -
Rendi i ri botëror, një botë shumë polare
13 Nëntor, 13:00
-
BE-ja nuk do luftë tregtare me Kinën, thotë ambasadori i bllokut në Pekin
9 Nëntor, 15:31 -
Kinë/ Ekspozohet peshku ton 3.2 metra i gjatë me peshë 374 kilogramë (VIDEO)
7 Nëntor, 19:50 -
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
BE vendos tarifa të larta ndaj makinave elektrike kineze
30 Tetor, 16:19 -
Hakerët kinezë vënë në objektiv familjen Trump dhe këshilltarët e Presidentit Biden
29 Tetor, 22:49
