POP 5

Lajmet më të lexuara të 5 minutave të fundit

Kronikë

Tre ditë pas shembjes së HEC-it në Holtë, një tjetër hidrocentral hedh themelet për tu ndërtuar në kanione (VIDEO)

Banorët e Gramshit denoncojnë ndërtimin e një HEC-i të dytë në kanionin e Holtës tre ditë pasi IKMT prishi punimet e nisura për hidrocentralin parë. Banorët shprehen se HEC-i i dytë po ndërtohet 1 kilometër larg nga i pari. Ndërsa kjo është një masakër  për ta, pasi ujërat e lumit që përdoren prej tyre për tokat bujqësore nuk do të jenë në sipërfaqen e shtratit

GRAMSH - Tre ditë më parë autoritetet e IKMT prishën digën e ndërtuar për hidrocentralin e Holtës, por rreth 1 kilometër më tej po ndërtohet një HEC i dytë "STRORI". Kanë qenë banorët e zonës që denoncojnë ndërtimin që po kryhet në rrjedhën e lumit. Sipas tyre firma  private “Era Hydro” ka bërë punime në hyrje të kanionit, ka gërryer shtratin e lumit, ka marrë zhavorr, madje ka bërë edhe një mur ngjitur me hyrjen e kanionit, duke e bërë të vështirë hyrjen në Monumentin e Natyrës.

Tubacionet dy metër të gjerë dhe dy metër të lartë ku do të kalojë uji i lumit janë vendosur në dalje të kanionit. Për banorët e zonës grumbullimi i të gjithë ujit në tubacione do të jetë një masakër mjedisore, pasi uji përdoret prej tyre për tokat bujqësore dhe nëse një gjë e tillë ndodh ato të thahen.

"Ky investim na ka bllokuar të gjithë pjesën e Holtës dhe bukurinë natyrorë që i përket këtij komuniteti. Ministrja Belinda Balluku dhe Taulant Balla na premtuan se ky projekt nuk do të bëhet. Por pas dy javësh filloi prapë projekti. Është bërë më poshtë dhe sjell shqetësimin e banorëve. Fshati Kotorr dhe Liras janë pa ujë. Ka dy javë që janë shtrirë tubat, por punimet kanë rreth dy muaj që ka filluar". 

"Na u premtua se nuk do të ndërtohet HEC-i, por nuk shohim një gjë të tillë. Projekti po vazhdon. Kjo zonë e gjitha do të thahet nëse futet uji në tuba", - shprehen banorët.

Të pyetur në lidhje me ndërtimin e një HEC-i të dytë, autoritetet vendore nuk pranojnë të japin një përgjigje zyrtare.

Kanioni i Holtës, konsiderohet një nga bukuritë mbresëlënëse të Shqipërisë dhe emrin e ka marrë nga lumi Holta, ndërsa vendimi për të ndërtuar aty HEC, që tashmë u shemb, u dha me një vendim të datës 27 prill të vitit të kaluar. Pas këtij vendimi banorët e zonës u ngritën disa herë në protestë derisa qeveria u tërhoq duke vendosur që të shembet diga e betonit.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 26/08/2019 20:08

    Të ngrihet populli i zonës dhe të sabotojë punimet. Ujrat duhet te rrjedhin të qetë ashtu siç i kanë bërë Zotat. Do jene frikacakë nqse vijnë të tjeret e ua marin ujin!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28