POP 5

Lajmet më të lexuara të 5 minutave të fundit

Sociale

Tregtarët në Korçë protestojnë për tarifat e larta: Kemi dy kushte ose mbyllim aktivitetin

Tregtarët e fruta perimeve në Korçë kanë protestuar para bashkisë. Ata kanë protestuar për  të tretën herë për uljen e taksës mujore për vendet e tregtimit, për largimin e shitësve ambulantë të fruta perimeve dhe largimin e shumicës afër markatës. Sipas tyre këta të fundit ushtrojnë aktivitetin edhe me pakicë duke ndikuar në punën e tyre.

Për të tretën herë radhazi tregtarët e fruta perimeve në Korçë kanë protestuar përpara Bashkisë së qytetit. Shkak është bërë  tarifa mujore e vendosur nga bashkia për vendet e tregtimit. Taksa për një vend është ulur nga 10 mijë lekë në 8 mijë lekë, por prapë kjo tarifë për tregtarët është shumë e lartë dhe nuk e justifikon xhiron mujore të tyre.

"Atje ku jemi nuk ka punë fare, jemi shumë keq nuk përballojmë tarifat që kemi. Bashkia ka të drejtë të na i kërkojë po ne jemi minus sa të fusim këmbët në treg, nuk jemi në gjendje. Na ulën tarifën pak por prapë se përballojmë. Tirana është më mirë e kanë tarifën më të ulët dhe që ka 10 fishin e popullsisë së Korçës.  Nëse unë nuk nxjerr lekët e tarifës do të largohem" thonë ata.

Ndërkaq, tregtarët ankohen edhe për konkurrencën e pa ndershme. Ata ngritën zërin kundër shitësve ambulantë dhe tregtarëve të shumicës, pasi sipas tyre këta të fundit ushtrojnë aktivitetin edhe me pakicë duke ndikuar në punën e tyre.

"Na premtuan se nëse ne kalojmë tek tregu i ri, nuk do të ekzistojë asnjë shitës ambulant dhe se shumica do të mbyllet në 08:00 por shumica punon gjatë gjithë ditës me pakicë. Protestojmë për të drejtat tona. Na thanë që nuk do të hapen dyqane fruta-perimeve në territorin tonë, por nuk është e vërtetë. Ne kërkojmë që të largohen nga territor i pazarit se përndryshe ne jemi të mbaruar" thanë ata.

Duke kërkuar uljen e tarifës, largimin e tregtarëve ambulantë dhe zhvendosjen e shumicës larg tyre, protestuesit paralajmërojnë se nëse pikat e tyre nuk plotësohen atëherë ata do të mbyllin aktivitetin .

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Eduard Zaloshnja: Gjykata kushtetuese vs. realiteti elektoral

Eduard Zaloshnja: Gjykata kushtetuese vs. realiteti elektoral

26 Dhjetor, 09:59 nga Eduard Zaloshnja