POP 5

Lajmet më të lexuara të 5 minutave të fundit

Ekonomi

Tregtia në ‘krizë’ ul besimin me 3.7%, ndërtimi dominon ekonominë edhe në sezonin e verës

Në vrojtimin e fundit të Bankës së Shqipërisë, thuhet se besimi në ekonomi u rrit me 0.7% në korrik, i ndikuar kryesisht nga ndërtimi dhe më pas shërbimet. Ndërsa tregtia vijon të jetë pesimiste për ecurinë e aktivitetit.

Tirane- Në kulmin e sezonin turistik verorë, besimi në ekonomi nuk u rrit nga industria e shërbimeve, por kontributin më të madh e dha sektori i ndërtimi. Në vrojtimin e fundit të Bankës së Shqipërisë, thuhet se besimi në ekonomi u rrit me 0.7% në korrik, i ndikuar kryesisht nga ndërtimi dhe më pas shërbimet. Ndjekur nga besimi i industrisë dhe konsumatorëve, ndërsa tregtia vijon të jetë pesimiste për ecurinë e aktivitetit.

Për shkak të shtimit të aktivitetit ndërtues, rritjes së porosive për pronave (apartamente, dyqane, zyra) dhe çmimeve që pritet të vijojnë rritje, sektori i ndërtimit është më optimisti për të ardhmen. Banka thotë se besimi në ekonomi i ndërtuesve është në shifra maksimale dhe se në korrik u rrit me 2.7%.

Ndërsa sektori i shërbimeve edhe pse është në kulmin e sezonit, e ka rritur besimin në ekonomi me vetëm 1.7%, ndikuar nga vlerësimet më optimiste të bizneseve për ecurinë aktuale të aktivitetit të tyre, si dhe pritshmëritë për më shumë kërkesë në të ardhmen.

Nga ana tjetër bizneset e këtij sektori thotë se niveli aktual i kërkesës është i njëjtë me atë të muajit qershor, për këtë arsye planifikojnë të ulin çmimet. Në javët e fundit në rrjetet sociale është ngritur nga qytetarë të ndryshëm shqetësimi i çmimeve të larta në bregdetin shqiptar.

Ndërkohë konsumatorët i janë rikthyer optimizmit, pasi kanë rritur me 0.5% besimin, por janë të frikësuar për situatën ekonomike në muajit në vijim. Edhe në industri besimi u rrit lehtë me 0.3%, i ndikuar nga prodhimi aktual dhe rritja e porosive.

Sektori i vetëm që nuk ka rritur besimin është tregtia, me rënie prej 3.1% për shkak të ecurisë jo të mirë të biznesit aktualisht, ku ndikim të madh ka edhe zhvlerësimi i valutave që po ju tkurr fitimet.

S.G/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29