POP 5

Lajmet më të lexuara të 5 minutave të fundit

Kronikë

“Gold Coins”, babë e bir ranë pre e agjentit të infiltruar! Në hetim dhe për trafik monedhash, tri monedha u shitën ‘Te dollari”

Një banesë u vodh në zonën e Komisariatit nr. 2 në Tiranë dhe denoncuesit i thanë policisë se brenda saj ishin marrë 3 monedha të vjetra dhe disa bizhuteri, të cilat kanë një vlerë të konsiderueshme, jo vetëm monetare por edhe sentimentale

Policia e Tiranës është duke hetuar një rrjet të dyshuar të vjedhjes dhe trafikimit të monedhave të vjetra të floririt tepër të kushtueshme, pas arrestimit të shtetasve Kadri e Klevis Forgali, babë e bir, 65 dhe 35 vjeç, me 467 objekte të tilla.

Pikënisja e hetimit të koduar me emrin “Gold Coins” duket se ka qenë vjedhja e një banese në zonën e mbuluar nga Komisariati nr. 2 në Tiranë, ku pronarët i thanë policisë se autorët u kishin marrë 3 monedha të vjetra dhe disa bizhuteri, të cilat kanë një vlerë të konsiderueshme, por edhe sentimentale pasi ishin trashëguar nga të parët.

Agjentët e policisë, pak ditë pas denoncimit, i gjetën monedhat të reklamuara në një faqe online në Instagram, e cila shiste edhe produkte të tjera ari.

Inflitrimi i agjentëve

Policia organizoi punën për kapjen e autorëve ku përmes agjentëve të infiltruar, u bë e mundur ndërhyrja për ti blerë  monedhat.

Fillimisht efektivët takuan Klevis Forgalin për të bërë blerjet e simuluara, dhe pasi u bindën se ishin të njëjtat monedha të vjedhura kryen edhe kontroll në banesë. Brenda saj u gjetën më shumë se 460 monedha flori të vjetra, për të cilat babë e bir, Kadri e Klevis Forgali nuk dispononin asnjë dokument.

Dy të dyshuarit u arrestuan ndërsa më pas u treguan hetuesve se 3 monedhat që rezultojne të vjedhura i kishin blerë në zonën e Dollarit. Policia thotë se autori që i ka vjedhur monedhat në banesën e të dëmtuarve dhe që më pas shiti akoma nuk ështe identifikuar. Ndërkohë babë e bir kanë deklaruar se pjesën tjetër të monedhave i kanë blerë në Shkodër, pa mbajtur asnjë dokumentacion.

Policia ka ngritur akuzë ndaj tyre për fshehje të ardhurash pasi shitja e bëhej online dhe pa kupon tatimor. Hetuesit thanë se vlera e monedhave është shumë e lartë, pasi në varësi të peshës dhe vjetërsisë çmimi I tyre mund të shkojë deri në 2 mijë euro për cope. Sipas një vlerësimi paraprak, pjesa tjetër e objekteve të sekuestruara variojnë nga 500, 600 apo 700 euro.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Polo: 03/06/2023 03:40

    Mjaft gjobitet njerëzit e thjeshtë! Policia kriminale ndërton vetëm skema të zhvasë njerëz.

    Përgjigju
  • Iris: 03/06/2023 02:48

    E gjithe kjo ndodh per shkak te tregur informal te mallrave me vlere si monedha,bizhuteri,antikuare,etj.Ketu tek ne kur shkon e shet ndonje gje me vlere,te regjistrojne ID.Une vete shita nje here nje zinxhir te keputur,me regjistruan ID.Nje veprim i tille ndjek jo vetem origjinen,rrugen e mallit deri aty, por u duhet dyqaneve per te drejten e licenses,sepse po paten mall te paregjistruar,ose pa ID,humbin licensen e tregetise dhe zejes(nese prodhojne dhe vete bizhuteri),por si gjithemone Shqiperia dhe shteti shqiptar eshte han pa porta,mesojne vetem kur e pesojne keqas!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça