Tregu ndërkombëtar i energjisë arrin shifra rekord! Një megavat kushton 335 euro, rreth 157 euro më shumë se para luftës

“Ne duhet të gjejmë burime të tjera për energjinë, gazin”, u shpreh para dy ditësh presidentja e Komisionit Evropian, Ursula von der Leyen, teksa foli për sanksionet që BE ka marrë kundrejt Rusisë për luftën e nisur.

Misioni për të gjetur burime të tjera, pra shtete të tjera për tu furnizuar me energji, naftë, gaz apo grurë tanimë është më i domosdoshëm se kurrë.

Që prej datës 24 shkurt 2022 kur Rusia nisi sulmin ndaj Ukrainës, tregu ndërkombëtar i energjisë elektrike, ka pësuar një rritje drastike të çmimeve.

Bazuar edhe në bursën HUPX, çmimi i energjisë, në 3 mars do të arrijë në 335.86 euro për megavat, nga 290.63 euro për megavat që regjistroi këtë të mërkurë, duke u shtrenjtuar nga dita në ditë me 65.23 euro për megavat.

Nga ana tjetër në raport me fillimin e luftës në 24 shkurt kur çmimi ishte 178.4 euro për megavat, energjia është shtrenjtuar 157.46 euro për megavat.

Një rritje e tillë e menjëhershme e energjisë elektrike vjen për faktin se rreth 35-40% e furnizimit me gaz natyror të Evropës sigurohet nga Rusia, dhe duke i bllokuar aktivitetin këtij shteti në kuadër të sanksioneve janë ulur edhe sasitë e gazit që sigurohen prej shtetit rus.

Rritja e çmimit të energjisë pak ditë më parë u konfirmua edhe nga qeveria shqiptare e cila i qëndron zotimit për të mos lejuar që fatura e kripur të prek familjet dhe bizneset e vogla.

Tabelë nga bursa HUPX

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet