Receta

Trileçe me karamel nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 16 Korrik, 11:43 | Përditesimi: 16 Korrik, 11:45

Trileçe me karamel

Përbërësit:

8 kokrra vezë
8 lgj sheqer
8 lgj miell
400 ml qumësht
400 ml qumësht i kondensuar
400 ml pana ëmbëlsire
200 gr karamel

Përgatitja:

LEXO EDHE:
Pulë me oriz në furrë nga zonja Albana

Vendosim vezët në një tas së bashku me sheqerin dhe i rrahim derisa sheqeri të shkrijë dhe volumi i vezëve të rritet. Më pas shtojmë me ndihmën e një site gradualisht miellin duke e trazuar me tel dore ose me spatul derisa të formohet një masë kremoze homogjene. Lyejmë tavën me pak gjalpë, e pudrosim lehtë me miell dhe hedhim në të brumin për bazën e trileçes. E vendosim tavën në furrë në temperaturën 170 gradë Celsius për 40 minuta. Ndërkohë përgatisim bashkimin e 3 tre llojeve të qumështit duke tretur fillimisht qumështin e kondensuar me qumësht dhe më pas duke i bashkuar me panën e ëmbëlsirës. Pasi nxjerrim bazën e trileçes nga furra, e lemë të ftohet pak, e kthejmë pandispanjën nga ana tjetër, e shpojmë në disa vende me një shkop kuzhine që të përthithë sa më mirë qumështin dhe më pas hedhim 3 llojet e qumështit dhe e lemë derisa keku t'a ketë përthithur mirë atë. Në fund e mbulojmë trileçen me karamel dhe e lemë të ftohet në frigorifer.

MC/Shqiptarja.com

TAG: