POP 5

Lajmet më të lexuara të 5 minutave të fundit

Kronikë

Tritol në biznesin e italianit në Tiranë, hetuesit dyshojnë për konflikte të mëparshme! Bingaido shoqërohej me persona problematikë

Një sasi e vogël lënde plasëse shpërtheu mbrëmjen e së enjtes në një fasoneri në pronësi të një italiani në Tiranë dhe shkaktoi vetëm dëme materiale. Autori i maskuar me kapuç erdhi me biçikletë, ndërsa hetimet janë përqendruar tek konkurrenca por edhe konflikte të mundshme që sipërmarrësi italian mund të ketë në vendin tonë.

Kjo është gjithçka çfarë ka mbetur nga shpërthimi i një sasie të vogël lende plasësen në një fasoneri në zonën e Freskut në kryeqytet. Për fat të mirë, në momentin e shpërthimit në ambientet e brendshme të saj nuk ka pasur njerëz dhe nuk është lënduar askush.

Lënda plasëse u vendos të enjten në mbrëmje në pjesën e poshtme të derës hyrëse të fasonerisë që operon në Tiranë prej rreth 5 vitesh. Si pasojë e shpërthimit, përveç pjesës metalike të derës dhe xhamave që u dëmtuan, dëme pësoi edhe një makinë tip “Smart”, e cila ishte parkuar në afërsi.

Ekspertët akoma nuk e kanë përcaktuar llojin e lëndës plasëse, por dyshojnë se është prodhuar në mënyrë artizanale. Në pamjet e kamerave të sigurisë që hetuesit e Komisariatit nr. 4 kanë sekuestruar, dallohet një person me bluzë me kapuç të zi, i cili pasi lë biçikletën me të cilën ishte në lëvizje, afrohet për të vendosur sasinë e lëndës shpërthyese dhe largohet. Agjentët po punojnë për vëzhgimin e pamjeve në një kënd më të gjerë, me synim gjurmimin e autorit.

Dyshohet se ky ka qenë një mesazh për pronarin e fasonerisë, shtetas italian, Roberto Bingaido, i cili u tha hetuesve se dyshimet i ka vetëm të konkurrenca. Por, këta të fundit nuk janë të bindur, pasi kanë marrë informacione se italiani që vendosi të investoi në vendin tonë, të ketë pasur probleme edhe me persona të tjerë, aty ku në fakt janë përqendruar hetimet si pistë kryesore për të zbuluar ndonjë emër të mundshëm. Një tjetër pistë që hetuesit po verifikojnë është edhe ajo ndonjë ish-punonjësi që mund të jetë hakmarrë për mosmarrëveshje me pronarin italian.

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sipas jush, a duhet që KFOR të marrë në kontroll veriun e Kosovës?

Lajme të tjera



×

Lajmi i fundit

Parashikimi i motit për ditën e sotme

Parashikimi i motit për ditën e sotme

30 Shtator, 07:22