Donald Trump të hënën arriti në gjykatën në Nju Jork, për të dhënë dëshmi në rastin civil për mashtrime financiare, që mund të dëmtojë perandorinë e tij biznesore për prona të paluajtshme të cilin e ndërtoi para se të futej në politikë.
Duke hyrë në gjykatë, Trump deklaroi për gazetarët se ky rast gjyqësor është i motivuar politikisht dhe është një “gjueti shtrigash”.
Ish-presidenti amerikan, sikurse edhe dy djemtë e tij që dëshmuan javën e kaluar, pritet të përballet me pyetje lidhur me praktikat e diskutueshme të kontabilitetit, që një gjykatës veçse ka thënë se kanë qenë mashtruese.
Avokatët e shtetit të Nju Jorkut kanë argumentuar se ato metoda i kanë mundësuar atij që të përfitonte kushte më të mira financimi, duke bërë që të rritej vlera e fushatave të tij të golfit, të ndërtesave të banuara dhe aseteve të tjera, në një kohë kur shumë huadhënës kishin refuzuar që të bashkëpunonin me të. Ata kanë thënë se aktivitete të tilla i kanë mundësuar Trumpit që të fitojë 100 milionë dollarë dhe të bëjë që pasuria e përgjithshme e tij të arrijë në 2 miliardë.
Trump ka mohuar çdo keqbërje.
Për dallim nga katër rastet e tjera penale me të cilat përballet kandidati për president i SHBA-së, ky rast nuk kërcënon që ai të burgoset, teksa ai po bën fushatë për zgjedhjet presidenciale të vitit 2024.
Por, Trump e ka shfrytëzuar këtë përvojë, duke e përdorur për të fituar më shumë donacione për fushatën e tij zgjedhore dhe duke argumentuar se ai po shënjestrohet për shkak të qëndrimeve të tij politike.
Prokurorja e Përgjithshme e Nju Jorkut, Letitia James, po kërkon që Trumpi të gjobitet me 250 milionë dollarë dhe të vendosen kufizime ndaj tij dhe djemve të tij, Eric dhe Donald Jr, që mund të pamundësojnë që ata të bëjnë biznes në Nju Jork.
Gjykatësi Arthur Engoron veçse ka anuluar certifikatat e biznesit për kompanitë dhe për një pjesë të madhe të biznesit të tij, edhe pse ky urdhër i gjykatës është apeluar.
Deri më tani, dëshmitë e paraqitura në gjykim kanë shfaqur se si zyrtarët e kompanisë, përfshirë dy djemtë e Trumpit, ishin të përfshirë në përpjekjet për të manipuluar vlerën e aseteve sikurse prona në Mar-a-Lago në Florida.
Një prej dëshmitarëve, ish-avokati Michael Cohen, dëshmoi se Trump drejtpërdrejt e kishte udhëzuar atë që të manipulonte të dhënat financiare për të rritur vlerën e aseteve.
Më vonë gjatë javës, para gjykatës do të dëshmojë edhe vajza e Trumpit, Ivanka, edhe pse ajo në këtë rast nuk është në cilësinë e të pandehurës./ REL
Komente
Lajme të tjera
-
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44
