Presidenti amerikan Donald Trump ka theksuar sërish se Irani nuk mund të ketë armë bërthamore.

Mediat e huaja shkruajnë se komentet Trump i bëri në Uashington, teksa po fliste për sallën e tij të vallëzimit në Shtëpinë e Bardhë.

"Ata po luten të bëjnë një marrëveshje, por mund të na duhet t'u japim një goditje tjetër të madhe", tha mes të tjerash Trump.

"Nuk jam i sigurt ende - do ta dimë shumë shpejt", vijoi më tej Trump.

Trump fajëson gjithashtu demokratët, kundërshtarët e tij politikë, për prishjen e negociatave të tij me Iranin.

I pyetur se sa afër ishte për të goditur Iranin dje, ai thotë: "Isha një orë larg - do të kishte ndodhur pikërisht tani."

Duke iu përgjigjur pyetjeve të tjera më vonë, Trump thekson se po punon me vendet e Gjirit gjatë negociatave me Iranin dhe ai flet për kërcënimin bërthamor iranian, përpara se SHBA-të të vepronin.

Në një moment, ai pretendon se mund të ketë pasur një rrezik bërthamor për Los Anxhelosin dhe thotë se nuk do ta linte botën të zhytej në konflikt bërthamor gjatë mandatit të tij.


Lajmi kryesor:

Propozimi i ri i Iranit për paqen, Trump: Të heqin dorë nga programi bërthamor! Ministri Araghchi: Kërkesa të tepruara