Ish-presidenti amerikan, Donald Trump, ka bërë thirrje që të publikohet menjëherë urdhri i FBI-së për bastisjet e vilës së tij në Florida. Deklarata e Trump vjen disa orë pasi Departamenti amerikan i Drejtësisë i kërkoi gjykatës që të bëjë publik urdhrin. Prokurori i Përgjithshëm, Merrick Garland tha se kërkesa bëhet për shkak të interesit publik për këtë çështje.
Përmes një postimi në Truth Social, ish-presidenti Trump shkruan se jo vetëm që nuk do ta kundërshtojë publikimin e dokumenteve, por do ta mbështesë drejtësinë që urdhri të bëhet publik menjëherë. Trump vijon të thotë se bastisjet e Byrosë Federale të Hetimeve në pronën e tij në Mar-a Lago ishin “të pajustifikueshme dhe të panevojshme”.
“Unë jo vetëm që nuk e kundërshtoj publikimin e dokumenteve... Unë do të bëj edhe një hap më tej duke i inkurajuar që të publikojnë menjëherë këto dokumente. Publikoni dokumentet menjëherë”, shkruan Trump.
Departamenti i Drejtësisë bëri me dije një ditë më parë se ka bërë kërkesë për publikimin e dokumenteve, që zakonisht mbesin konfidenciale kur një hetim është në zhvillim e sipër. Por, sipas departamentit publiku duhet të dijë pse FBI-ja bastisi shtëpinë e ish-presidentit Trump.
"Interesi i qartë dhe i fuqishëm i publikut për të kuptuar atë që ndodhi në këto rrethana rëndon shumë në favor të çvulosjes," thanë avokatët e departamentit të drejtësisë në një mocion të paraqitur në gjykatën federale të enjten.
Trump kishte afat deri të premten në orën 15:00 për të kundërshtuar publikimin. FBI dyshohet se bastisi banesën e Trump pasi dyshohet se ka marrë disa dokumente nga Shtëpia e Bardhë. Sipas Washington Post , duke cituar burime anonime, dokumentet lidhen me armët bërthamore. Ende nuk dihet se sa shumë informacione mund të ketë në dokumente nëse ato bëhen publike.
FBI bastisi shtëpinë e Trump ditën e hënë, ndërsa kjo bastisje në shtëpinë e një ish-presidenti ka ndodhur për herë të parë në historinë e Amerikës. Trump dhe republikanë të tjerë kanë kritikuar këtë vendim të FBI-së dhe kanë thënë se është i nxitur politikisht.
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45
