“Turi më çoi tek 5-sa…”/ Albano Bogdo rrëfen luftën me ankthin

Aktori i humorit, Albano Bogdo ka folur për përballjen me probleme të shëndetit mendor. Aktori ka treguar se vuante nga sulmet e atakut të panikut.

Albano madje është detyruara të shkojë edhe të spitali i 5-sës. Ai ka rrëfyer se producenti i emisionit atëherë “Apartamenti 2XL”, Turjan Hysko i kishte qëndruar pranë dhe e kishte dërguar tek psikologia për të marrë ndihmë.

“Unë kisha vite që vuaja nga ankthi derisa u përshkallëzua në atak paniku, vetëm skizofrenia ja kalon atakut të panikut. Më çoi Turi tek 5-sa, më çoi tek një psikologe, ajo e kuptoi që nuk kisha lidhje fare dhe e kuptoi që duheshin medikamente. I tha Turit që duhet ta çosh tek një psikiatër. Të nesërmen Turi më thotë që do të shkojmë tek 5-sa. I thashë tek kush 5-së do të shkojë unë? Herën e parë doktori më ka vizituar tek makina e Turit. I thosha të shkoj aty brenda të më mbyllin, e di që s’do më lini të dal. Thashë po më mbyllin brenda me stil. Kisha dëgjuar që të lidhnin. Herën e dytë që kam hypur, ishte një spital si të gjithë të tjerët dhe pavioni ku ishin pacientët ishte normal fare, jo si ata që kemi parë nëpër filma. Ma sugjeroi mjeku, futemi në pavion më tha. Mendova nuk ishte e para me të futur, është e dyta tani. Se dera e pavionit ishte me çelës, doktori më tha janë 20 mjekë brenda. Thjesht tha mbyllim derën se mos del njeri jashtë dhe dëmton veten. U futa në pavion, qëndrova 1 orë dhe mu mbushën sytë me lot, kuptova sa me fat jam. Kisha sëmundjen më të lehtë nga të gjithë”, tha ai.

LEXO EDHE:
Lot në 'Ferma Vip', rrëfimi i aktorit Albano Bogdo për jetën dhe poezia e Bes Kallakut emocionojnë konkurrentët

SI.E./Shqiptarja.com

TAG:
• Albano Bogdo