POP 5

Lajmet më të lexuara të 5 minutave të fundit

Sociale

Turistët gjermanë zgjedhin Valbonën në pranverë: Njerëzit janë shumë mikpritës, në Shqipëri kalon pushime të mira

Muajt e pranverës kanë shënuar rritje të ndjeshme të turistëve në fshatin alpin të Valbonës, kryesisht nga Gjermania por dhe vende të tjera. Ndërsa pronarët e bujtinave shprehen se çmimet nuk kanë ndryshuar.

Lugina e Valbonës është një nga mrekullitë e papërsëritshme të natyrës. E vizituar kryesisht nga të huaj, panorama në pranverë është mbresëlënëse me kaltërsinë e lumit, jeshillëkun e pyjeve dhe majat e Alpeve mbuluar me dëborë.

Heqja e kufizimeve të pandemisë ka risjellë gjallërinë në fshat. Turistët e huaj, kryesisht gjermanë tregojnë impresionet, por nxjerrin në pah dhe problematikat. 

‘Malet e bukura, ushqimi gjithashtu, lumi i Valbonës këto janë arsyet pse e kemi zgjedhur, por më pas do udhëtojmë në Jug, do vizitojmë Gjirokastrën dhe Butrintin.’- u shpreh një turiste.

‘Ushqimi mund të kishte më shumë variacion, por përgjithësisht po kalojmë pushime të mira në Shqipëri. Edhe njerëzit janë shumë mikpritës.’- u shpreh një burrë.

‘Mendoj se është e rrezikshme kalosh Alpet në këmbë, pasi ka ende dëborë. Dje udhëtuam për tek shpella dhe ishte e vështirë pasi shtigjet nuk janë shënjuar mirë. Po qëndrojmë këtu në fshat për dy ditë e më pas do të shohim Shqipërinë e mesme dhe jugun.’- tha një turiste.

Pronarët e bujtinave thanë se nuk i kanë ndryshuar çmimet për fjetjen dhe ushqimet. Kryebashkiaku i Tropojës sheh me optimizëm sezonin veror.

Vitin e kaluar mbi 123 mijë turistë vizituan Parku Kombëtar të Valbonës, ndërsa në katër mujorin e parë të këtij viti e vizituan mbi 2 mijë  turistë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58