Italianët dhe polakët kanë vijuar të kenë interes për Shqipërinë edhe gjatë muajve të dimrit.
Të dhënat zyrtare të statistikave të turizmit, që ndalen te shtetet nga kanë ardhur vizitorët në muajin janar, tregojnë se numri i turistëve italianë është rritur me të paktën 50% në janar 2024 krahasuar me janar 2023 ndërkohë që numri i turistëve polakë ka shënuar rritje me të paktën katër herë.
Këta të fundit prej vitesh janë grupi më i konsoliduar i turizmit të organizuar që zhvillohet në vend kryesisht në Golem, Durrës gjatë muajve të verës duket se po e shohin Shqipërinë si një destinacion interesant edhe në dimrit.
Në total, shifra zyrtare e atyre që cilësohen si turistë sipas publikimit të Ministrisë së Turizmit dhe mjedisit është 469 mijë.
“Referuar qëllimit që deklarojnë shtetasit e huaj, që vizitojnë Shqipërinë, rezulton se gjatë muajit të parë të vitit kanë hyrë 469,543 “turistë”, që janë vizitorët që shpenzojnë më shumë se një natë brenda territorit Shqiptar. Siç vihet re kemi një ulje për vizitorët që vijnë për qëllime shëndetësore dhe fetare” nënvizon publikimi.
Ajo që bie në sy nga shifrat është rritja e numrit të turistëve edhe nga vendet fqinje kryesisht ai që njihet si turizëm patriotik. Konkretisht nga Kosova në janar 2024 kanë hyrë rreth 216 mijë shtetas me një rritje prej rreth 30% krahasuar me të njëjtën periudhë të një viti më parë.
Nga Maqedonia e Veriut, në janar kanë hyrë në vendin tonë 47.4 mijë shtetas me një rritje prej 9% në raport me janarin e vitit 2023 ndërkohë që edhe nga Mali i Zi ka një rritje të hyrjeve me të paktën 32.6%.
Rritja që vjen nga Italia por edhe nga Greqia pavarësisht se mund të cilësohet si kontribut i turizmit në fakt lidhet më shumë me komunitetin e madh të emigrantëve shqiptarë në këto dy vende fqinje dhe që disponojnë dokumente të vendeve fqinje. Nga Greqia numri i vizitorëve ishte 38.7 mijë turistë me një rritje prej 10%.
2024-a pritet të jetë një tjetër vit i mirë turistik për Shqipërinë, ku operatorët turistikë kanë pritshmëri se do të vijojmë me një shifër tjetër rekord për nga numri i vizitorëve.
Interesi për vendin tonë shihet qartazi edhe nga shitja e paketave nga agjencitë e turizmit të organizuar ku deri në shkurt ishin shitur të paktën 60% e tyre./Monitor
Lajme të tjera
-
'Travel and Tour World': Shqipëria, një yll në rritje në turizmin evropian
26 Nëntor, 07:38 -
Media spanjolle ‘El Periódico’: Vizitoni Shqipërinë për Krishtlindje, një perlë me peizazhe spektakolare dhe qytete historike
25 Nëntor, 07:37 -
Wall Street Journal: Pse Shqipëria duhet të jetë destinacioni i radhës për udhëtarët e zgjuar
24 Nëntor, 20:33 -
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
‘Lonely Planet Italia’: Liqenet e Shqipërisë, udhëtim i paharrueshëm përtej shtegut të rrahur
16 Nëntor, 07:59 -
Media australiane 'The New Daily': Si po kthehet Shqipëria në destinacionin e madh të turizmit evropian?
14 Nëntor, 08:54 -
10,4 milionë vizitorë të huaj deri në tetor, Kumbaro: Shqipëria një destinacion turistik i shumëdëshiruar
13 Nëntor, 13:16 -
‘Potencial i jashtëzakonshëm turistik’, Rama thirrje të rinjve: Zgjidhni Arsimin Profesional në sektorin e hoteleri-turizmit
10 Nëntor, 08:28 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Shqipëria Medalje Argjendi në Londër për turizmin, një nga vendet më të dëshiruara për t'u vizituar
8 Nëntor, 10:45
