POP 5

Lajmet më të lexuara të 5 minutave të fundit

Sociale

Turizmi në Lezhë, mungojnë paketat turistike! Kryebashkiaku Ndreu u 'tërheq veshin' operatorëve: Përse të mos bëjmë një paketë?

Krijimi i një brendi dhe përfshirja e sektorit të turizmit në një paketë të vetme është kërkesa imendiate për Lezhën. Kryebashkiaku Ndreu gjatë takimit me operatorët turistik tha se duhet një guidë e plotë në mënyrë që turistët të mos zgjedhin Lezhën vetëm për bregdetin. 

Operatorët turistikë dhe agjencitë nuk hartojnë paketa turistike dhe nuk e shohin atë si gjithëpërfshirëse. Shqetësimi është ngritur nga kryebashkiaku i Lezhës Pjerin Ndreu, gjatë një takimi me pronarët e hoteleve dhe të agjencive turistike.

“Një pushues që vjen nga Franca, Gjermania, Polonia që janë me shumicë vitet e fundit ku shkojnë përveçse bëjnë plazh, ça bëjnë, çfarë frekuentojnë? Cilat janë asetet që ju ofrohen? E përse mos ta bëjmë paketën nga Malësia e Madhe e deri në Tiranë. E shikoj të mundur që në një ditë t'i ofrosh një turisti një guidë sikur është në të gjithë botën, kundrejt një pagese.”

Ndërkaq operatorët turistikë pranojnë se nuk është punuar në këtë drejtim dhe është e nevojshme që të bashkëpunohet duke ndërtuar edhe brandin e zonës por ka pasur vështirësi edhe sepse mungojnë udhërrëfyesit.

“Ka ardhur momenti që të shihet më gjerë dhe jo vetëm individualisht kjo punë, duhet parë më e hapur dhe më bashkëpunues me të gjithë sektorë”, tha Xhulio Nikolli.

“Sfida e turizmit të Lezhës është zgjatja e sezonit turistik. Bërja e turizmit gjithëvjetor dhe mbi të gjitha ne duhet të kalojmë tek brendimi i turizmit”, tha sipërmarrësi Dedë Maluta.

Turizmi është sektori më i rëndësishëm i ekonomisë në Lezhë që përpos bregdetit ofron mundësi për turizëm gjithëvjetor me objektet e shumta të kulturës e trashëgimisë. Ndaj në përfundim u dakordësua ngritja e një bordi turizmi qe do te fokusohet tek promovimi dhe ndërtimi i paketave turistike për Lezhën.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Përfundon rruga e re në fshatin 'Gurrë të Vogël', Veliaj: Asnjë ndryshim nga qendra! Muhabetet me molotov do harrohen, puna mbetet

Përfundon rruga e re në fshatin 'Gurrë të Vogël', Veliaj: Asnjë ndryshim nga qendra! Muhabetet me molotov do harrohen, puna mbetet

27 Prill, 15:10