POP 5

Lajmet më të lexuara të 5 minutave të fundit

Arkiva

Turqia i përgjigjet sulmit të Sirisë
Parlamenti turk: "Po" ndërhyrjes

Parlamenti turk autorizon trupat ushtarake të kalojnë në territorin sirian nëse do të kërkohet nga qeveria. Kjo kërkesë erdhi si pasojë e një mbledhje plenarë emergjente, në përgjigje të qeverisë për të ndërhyrë ushtarakisht, pasi 2 gra dhe tre fëmijë u vranë nga një murtajë në kufi me Sirinë. Erdogan: "Nuk duam luftë por mos na provokoni"
ANKARA- Turqia përgjigjet dhe bombardon sërish Sirinë  pas bombardimit të ushtrisë siriane në një fshat kufitar turk të mbrëmjen e së mërkurës lanë të paktën pesë të vrarë dhe plagosën nëntë persona të tjerë.  Ankaraja i është përgjigjur direkt me sulm duke qëlluar objektiva në Siri në përgjigje të asaj çka e konsideron "akt mizor".Qeveria turke pretendon se kriza siriane është një kërcënim për sigurinë e vendit dhe i kërkoi Parlamentit të miratojë operacionet ushtarake jashtë kufijve kombëtarë.

ERDOGAN: NUK DUAM LUFTE, POR MOS NA PROVOKONI
Turqia nuk do ti shpall luftë Sirisë. Lajmi është dhënë dje pasdite në një konferencë për shtyp të kryeministrit Erdogan.

"Turqia nuk ka në plan të hyj në luftë me Sirinë. Ne nuk jemi të interesuar për një luftë dhe duam paqe", -tha Erdogan për gazetarët.

Nga ana tjetër, kryeministri turk nënvizoi se republika e Turqisë ka të gjitha kapacitet për tu mbrojtur dhe paralajmëroi Sirinë që të mos provokonte dhe testonte kufirin e saj. “Ne jemi një shtet që mbrojmë qytetarët dhe kufirin tonë për këtë askush nuk duhet të provojë të na testojë”, tha Erdogan.

Më herët parlamenti turk autorizoi që trupa ushtarake te viheshin në operacione luftarake ne kufirin me Sirinë dhe vetëm disa orë më pas kryeministri turk Erdogan zbuti tonet duke sqaruar se nuk është në qëllimin apo dëshirën e vendit të tij që të bëjë luftë.

PARLAMENTI I THOTE PO 
Parlamenti turk autorizon trupat ushtarake të kalojnë në territorin sirian nëse do të kërkohet nga qeveria. Kjo kërkesë erdhi si pasojë e një mbledhje plenarë emergjente, në përgjigje të qeverisë për të ndërhyrë ushtarakisht, pasi 2 gra dhe tre fëmijë u vranë nga një murtajë në kufi me Sirinë. Votimi kaloi me 320 pro dhe 129 kundra. Ky vendim i jep të drejtën qeverisë turke që përgjatë një viti të dërgojë trupa në Siri dhe të kryejë sulme ajrore kundër objektivave siriane. Gjithsesi sipas burimeve qeveritare, Turqia është shprehur se nuk ka ndërmend t’i hapë luftë Sirisë. Zëvendëskryeministri Besir Atalay, tha se prioriteti mbetet veprimi në mënyrë të koordinuar me bashkësinë ndërkombëtare.

Këshilli i Sigurisë së Kombeve të Bashkuara pritet të mblidhet më vonë, pas kërkesës së Turqisë për të marrë masat e duhura. Tensioni bëri që NATO të thërriste një takim urgjent në Bruksel në orët e vona të së mërkurës me kërkesën e Turqisë. NATO-ja lëshoi një deklararë në të cilën e dënon sulmin.

BOMBARDIMET
Nderkohë gjatë natës Ankaraja ka sulmuar. Bombardimet kanë qenë intensive, edhe mëngjesin e sotëm në qytetin Tal Abyad, afro 10 kilometra nga kufiri turk. Vëzhguesi sirian për të drejtat e njeriut me qendër në Londër, njoftoi se disa oficerë të forcave të sigurisë siriane, janë vrarë në Rasm al-Ghazal. Qeveria e Ankarasë pritet të kërkojë shumë shpejt autorizimin e operacioneve ndër kufitare të forcave ushtarake në Siri.

SHBA, FRANCA E BRITANIA DENOJNE SULMIN SIRIAN
Shtetet e Bashkuara të Amerikës, Britania e Madhe, Franca dhe Bashkimi Evropian kanë dënuar gjithashtu veprimet e Sirisë. Rusia e cila është aleate e qeverisë së Presidentit Bashar al-Assad i ka kërkuar Damaskut të pranojë se sulmi në territorin turk ishte një aksident tragjik dhe se nuk do të ndodhë më. Në Siri siç raporton BBC, 21 pjesëtarë të Njësisë Elitë të Rojeve Republikane janë vrarë nga shpërthimi dhe të shtënat në Damask.

(ad.ti/sg/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Zbulohet në Prishtinë laboratori i sofistikuar për falsifikimin e dokumenteve (FOTOT)

Zbulohet në Prishtinë laboratori i sofistikuar për falsifikimin e dokumenteve (FOTOT)

28 Janar, 21:28