POP 5

Lajmet më të lexuara të 5 minutave të fundit

Bota

Turqia regjistron temperaturë rekord, termometri shënon 49.5 gradë Celsius

Turqia ka thyer rekord duke regjistruar temperaturën prej 49.5 gradësh Celsius, teksa ekspertët kanë paralajmëruar se trendi i valës së të nxehtit në Mesdhe do të vazhdojë deri në vitet 2040.

Turqia regjistron temperaturë rekord, termometri shënon 49.5 gradë Celsius

Turqia ka thyer rekord duke regjistruar temperaturën prej 49.5 gradësh Celsius, teksa ekspertët kanë paralajmëruar se trendi i valës së të nxehtit në Mesdhe do të vazhdojë deri në vitet 2040.

Temperatura rekord është regjistruar të martën në provincën Eskishehwr, ka thënë ministri turk i Ambientit, Mehmet Ozhaseki në rrjetin social X, të njohur më parë si Twitter.

Sipas tij, rekordi paraprak është regjistruar më 2021, ku ishte 49.1 gradë Celsius, raportojnë mediat e huaja.

Shërbimi Kombëtar i Motit ka paralajmëruar të mërkurën se vala e të nxehtit do të vazhdojë t’i rrisë temperaturat normale të sezonit për 11 gradë.

Arsyeja kryesore mbrapa kësaj vale besohet se qëndron tek ndryshimet klimatike, ka thënë Baris Onol, profesor i meteorologjisë në Universitetin Teknik të Stambollit.

Onol në një intervistë për agjencinë e lajmeve DPA tha se fenomeni El Nino ndikon në rritje të temperaturave, valët e të nxehtit janë bërë viteve të fundit më të shpeshta dhe më të gjata.

“Turqia do të jetë më e ekspozuar ndaj temperaturave të larta në 30 deri në 40 vjetët e ardhshëm, sikurse gjithë rajoni i Mesdheut”, tha Onol.

Sipas parashikimeve të tij, piku i sezonit turistik në të ardhmen do të jetë në muajt shtator dhe tetor. Po kështu, menaxhimi i ujit do të jetë kyç për rajonin, duke parashikuar thatësirën për muajt e verës në vitet në vijim, tha Onol.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49