Ministrja e Financave dhe Ekonomisë, Anila Denaj mori pjesë në Forumin e Investimeve Turqi-Shqipëri, të organizuar nga Unionet e Tregtisë të dy vendeve tona.
Në fjalën e saj përshëndetëse ministrja vuri theksin në marrëdhëniet midis dy vende.
“Marrëdhëniet dypalëshe midis Shqipërisë dhe Turqisë mbeten të shkëlqyera. Është vlerësim i vazhduar për ne, që në Turqi jetojnë një numër i madh i qytetarëve turq me origjinë shqiptare, të cilët kanë kontribuar për shtetin e kombin turk. Turqia ka dëshmuar, se është një vend mik, i cili i është gjendur Shqipërisë pranë në ditët e vështira”, u shpreh Denaj.
Sipas ministres, Turqia ishte vendi i parë, i cili pas tërmetit të 26 nëntorit 2019 dërgoi skuadrat e shpëtimit duke ju gjendur pranë popullit shqiptar në një nga katastrofat natyrore me të mëdha.
Tashmë, ka filluar edhe ndërtimi i banesave në zonën e Laçit, ku së bashku me ndërtimet në zonën e Thumanës, arrijnë në një vlerë investimi prej 42 milionë euro.
“Turqia ka qenë dhe mbetet një partner i rëndësishëm strategjik i Shqipërisë në rajon e më gjerë. Ndaj forcimi, zgjerimi dhe thellimi i pandalshëm i marrëdhënieve të shkëlqyera me Turqinë mike e aleate në NATO, në kushtet e reja të angazhimeve të përbashkëta të sigurisë, paqes dhe të zhvillimit ekonomik, mbetet një nga prioritetet e rëndësishme të politikës së jashtme të institucioneve shqiptare”, nënvizoi Denaj.
Shqipëria vlerëson kontributin e madh të Turqisë në rritjen e njohjeve ndërkombëtare të Republikës së Kosovës dhe vlerëson mbështetjen në vazhdimësi për shoqërinë dhe institucionet shqiptare në rajon.
Gjithashtu, Turqia është edhe një partner kryesor tregtar i Shqipërisë, ndaj Shqipëria i jep prioritet zgjerimit të marrëdhënieve ekonomike e tregtare dhe nxitjes së investimeve direkt turke në Shqipëri dhe anasjelltas.
“Më lejoni të theksoj se, me kënaqësi kemi vënë re se shkëmbimet tregtare me Turqinë, pavarësisht pandemisë. Vërehet rritje prej 12% e volumit të importeve të realizuara me Turqinë, krahasuar me një vit më parë”, shtoi Denaj.
Deri më sot, kemi rreth 600 biznese turke që operojnë në Shqipëri, të shpërndara në të gjithë Shqipërinë.
Forum i Investimeve është një ftesë e mirë për pjesëmarrje të investitorëve turq në sektorët strategjikë të vendit tonë: turizmi, transporti, infrastruktura, bujqësia, energjia, etj.
Qeveria Shqiptare vijon të ketë interes mbi nxitjen e bashkëpunimit në fushën e bujqësisë, blegtorisë, tekstileve dhe mbi nevojën e nënshkrimit të marrëveshjeve të bashkëpunimit midis Dhomave të Tregtisë dhe Industrisë midis qyteteve kryesore të të dy vendeve.
Lajme të tjera
-
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
Australiani u zhduk në Theth, vëllai i tij kërkon ndihmë për gjetjen e 28-vjeçarit
25 Nëntor, 20:46 -
Tronditet Turqia/ 33-vjeçari vret prindërit, gruan, fëmijën, 3 të tjerë dhe veten
25 Nëntor, 19:06 -
'Mbi 100 mijë çekë po vijnë për turizëm në Shqipëri', Kryetarja e parlamentit çek vizitë zyrtare në Tiranë, takon Spiropalin
25 Nëntor, 13:15 -
Integrimi, BE i kërkon Shqipërisë qëndrimin për Kapitullin 6! Pritet të hapet brenda vitit
25 Nëntor, 11:31 -
Shef i NATO-s, Mark Rutte viziton sot Turqinë ku do takohet me Erdogan dhe Fidan! Nesër do të jetë në Athinë
25 Nëntor, 09:49 -
Mosha e mesme në Shqipëri, më e palumtur se në vitet 2006-2010
25 Nëntor, 09:11 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Mourinho telefonon Ronaldon, e fton të rikthehet në Evropë! Gati klubi i ri
22 Nëntor, 16:08 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Bregu: SEPA në Ballkan, një hap i madh drejt BE
22 Nëntor, 09:25 -
Tentoi të nxirrte rreth 30 mijë euro nga Kapshtica, nën hetim 50-vjeçari turk! Paratë iu gjetën të fshehura në çantë në kabinën e kamionit
21 Nëntor, 09:51
