POP 5

Lajmet më të lexuara të 5 minutave të fundit

Arkiva

Tushaj: Do kualifikojmë qendrat
e fshatrave, zgjidhim konfliktet

Teksa prezantonte projektin e tij përpara  banorë të fshatit Kotërr në zonën e Dajçit, kandidati i majtë për bashkinë e Lezhës, Viktor Tushaj u shpreh se kërkon mbështetjen e tyre sepse janë drejtimi i duhur që dinë të hartojnë projektet e duhura që i duhen të gjitha zonave.
LEZHË - Teksa prezantonte projektin e tij përpara  banorë të fshatit Kotërr në zonën e Dajçit, kandidati i majtë për bashkinë e Lezhës, Viktor Tushaj u shpreh se kërkon mbështetjen e tyre sepse janë drejtimi i duhur që dinë të hartojnë projektet e duhura që i duhen të gjitha zonave.
 
Kandidati i “Aleancës për Shqipërinë Europiane” për Bashkinë e Lezhës, z. Viktor Tushaj i shoqëruar dhe nga deputeti i qarkut, z. Arben Ndoka u takua me banorë të fshatit Kotërr në zonën e Dajçit.
 
Gjatë bashkëbisedimit, banorët ngritën shqetësimin e certifikatave të pronësisë dhe të mungesës së infrastrukturës.
Kandidati i ASHE-së, Viktor Tushaj premtoi zgjidhje të problemeve dhe një vëmendje më të madhe për zhvillimin e zonës.

“Gjithë ajo energji e derdhur në fshatin Kotërr ka pasur nevojë për një mbështetje dhe për një vëmendje shumë më të madhe për të ndërtuar të gjitha ato çfarë i duhen Kotrranëve dhe për të mos u larguar. Unë jam i bindur se autoriteti i kryetarit të ardhshëm të bashkisë do të jetë një autoritet shumë më i madh për të zgjidhur konfliktet e titujve të pronësisë, gjë që nuk duhet të vazhdojnë më. Duhet të zgjidhet njëherë e mirë dhe ju garantoj se autoriteti i kryetarit të bashkisë, por edhe mekanizmat që do të ketë nesër bashkia e ardhshme, absolutisht duhet të jenë të mjaftueshme për të zgjidhur çdo lloj konflikti”, - tha Tushaj.

Kandidati i “Aleancës për Shqipërinë Europiane deklaroi se do të kualifikohen të gjitha qendrat e fshatrave të cilët do të funksionojnë si qendrave komunitare.
 
“Ne jemi drejtimi i duhur sepse dimë të hartojmë projektet e duhura që i duhen të gjitha zonave. Dimë të hartojmë projekte me standarde të larta. Ne do të bëjmë të mundur kualifikimin e të gjitha qendrave të fshatrave tona të cilët të funksionojnë si qendrave komunitare. Ju garantojmë se do të dimë të trokasim në dyert e duhura, do të dimë të marrim mbështetjen e duhur, investimet e duhura, për t’i siguruar Kotrrit, njësisë administrative të Dajçit, por edhe gjithë Bashkisë së Lezhës një zhvillim ekonomik të garantuar”, - tha më tej Tushaj.

Deputeti i PS-së për qarkun Lezhës, z. Arben Ndoka  kërkoi mbështetje për kandidatin e përbashkët të ASHE, z. Viktor Tushaj duke e vlerësuar si njeriun e duhur për zhvillimin ekonomik të Lezhës.
 
Kandidati i Aleancës për Shqipërinë Europiane për Bashkinë e Lezhës, Viktor Tushaj në këtë takim u shoqërua edhe nga deputeti i qarkut, Arben Ndoka
 
Redaksia Online
(o.b/ Shqiptarja.com)

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi