Të gatuajmë me zonjën Vjollca/ Byrek pa peta me perime e djathë dhe Supë me thjerrëza të kuqe e spinaq

Byrek pa peta me perime dhe djathë

Përbërësit:

2 patate

2 domate

3 speca jeshil

2 qepë të njoma

4 vezë

1 lugë çaji kripë

150 gr djathë i bardhë

2 filxhan kafeje vaj

1 gotë qumësht

2.5 gota miell

Pluhur pjekës

Parmixhan (opsionale)

Përgatitja:

Qërojmë patatet dhe i presim ato në kubikë të vegjël. Qepët e njoma i presim në rrathë, qërojmë patatet dhe e presim tulin e tyre në kubikë. Në një tas vendosim vezët dhe i përziejmë ato me kripë, qumësht dhe vaj, perimet bë kubikë, djathin në kubikë, miellin, pluhurin pjekës dhe i përziejmë.

Lyejmë një tavë keku me pak yndyrë, miell, dhe nivelojmë brumin. Nëse keni djathë parmixhan, dy lugë gjelle të grirë spërkatni sipërfaqen.

E vendosim tavën në furrë në temperaturë 180 gradë për 35 minuta.

Supë me thjerrëza të kuqe dhe spinaq

Përbërësit: 1 gotë thjerrëza

1 qepë mesatare

4 lugë gjelle vaj ulliri

2 degë selino

2 karrota

3 thelpinj hudhra

1 lugë çaji kumin

1 lugë kafe trumzë (të thatë)

1 litër lëng pule + ujë

1 filxhan çaji pure domate

2 gjethe dafinë

1 lugë çaji piper i kuq

Kripë dhe piper i zi

200 gr spinaq

 4 lugë gjelle salcë kosi

Përgatitja:

Shpëlajmë mirë thjerrëzat me ujë të bollshëm. Qepën e grijmë hollë dhe e vendosim në një tenxhere me vaj ulliri. Pasi të jetë zbutur pak, shtojmë selinonë të grirë hollë.

Kaurdisim së bashku qepën me selinonë duke shtuar karrotën të prerë hollë, 3 thelpinj hudhra, vazhdojmë përziejmë duke shtuar një lugë gjelle kumin, trumzë, thjerrëzat, i përziejmë duke shtuar lëngun e pulës me ujë sa të mbulojë thjerrëzat dhe shtojmë purenë e domates dhe dafinën.

Shtojmë piper të kuq, të zi dhe kripë. Më pas heqim gjethen e dafinës dhe e kalojmë supën në blender. Presim spinaqin dhe e hedhim po ashtu në blender duke e përzierë për 2 minuta.

E servirim duke shtuar 1 lugë gjelle kos, vaj ulliri shoqëruar me një fetë buke të thekur.

D.M./b.ha./Shqiptarja.com
  • Sondazhi i ditës:

    Nga e hëna duhet leje për të dalë nga shtëpia, a është ky një vendim i duhur i qeverisë?

Komento