Të gatuajmë me Zonjën Vjollca / Kofsha pule me speca e patate dhe Pite me kungull të njomë e djath

3 kokrra qepë mesatare

3 speca me ngjyra

4 thelpinj hudhër

1 lugë çaji piper i kuq

400 gr domate ( në kuti)

Dafinë

2-3 patate

300 ml lëng perimesh

4 lugë gjelle vaj ulliri

2 lugë gjelle majdanoz të grirë hollë

Përgatitja

Në një tenxhere ngrohim vajin dhe pasi e kemi larë dhe tharë mishin, e kaurdisim deri sa kofshët të marrin një ngjyrë të verdhë. Largojmë kofshat nga tenxherja dhe i mbulojmë , në mënyrë që të rrinë të ngrohta.

Në po atë yndyrë kaurdisim mirë qepën e grirë hollë deri sa të zbutet dhe të bëhet transoarente. Shtojmë pak kripë tek qepa dhe tek mishi.

Shtojmë specat të prerë në kubikë me brinjë 1 cm dhe e kaurdisim së bashku me qepën dhe patatet të prera më herët në kubikë.  Shtojmë piperin e kuq, domatet e prera me copa , kripë dhe gjethe dafine. Pas këtyre veprimeve e lëmë të marrë valë për 2 minuta.

Shtojmë copat e mishit dhe në fund shtojmë 300 ml lëng perimesh.E lëmë të ziejë për 20 minuta në temperaturë nën mesatare dhe në fund e servirim të spërkatur me majdanoz.

Kofsha pule me speca e patate

Receta e dytë : Pite me kungull të njomë dhe djath

Përbërësit

600 gr kungull i njomë

1 karrotë

1 tuf kopër ose borzilok

4 kokrra vezë

100 ml vaj

1 thelp hudhër

250 gr djath feta

150 gr miell gruri

150 gr miell misri

1 lugë çaji pluhur pjekës

4 lugë gjelle krem kosi

Kripë dhe piper i zi

 

Përgatitja

Fillimisht ngrohim furrën në temperaturën 180 gradë. Lyejmë tavën me yndyrë dhe e pudrosim me miell misri.

Lajmë kungullin dhe e presim atë në kubikë shumë të vegjël 0,5 mm. karrotën e grijmë hollë në rende. Shtojmë tek perimet kopër ose borzilok të grirë hollë.

Në një tas rrahim vezët , shtojmë vajin, perimet e grira , 1 thelpi hudhër të grirë hollë, djathin e thërrmuar , kripë dhe piper të zi. Të gjithë këta përbërës i përziejmë mirë duke shtuar miellin e misrit, miellin e grurit dhe pluhurin pjekës. Në fund shtojmë kremin e kosit ose kos dhe i përziejmë mirë. E shtrojmë masën në tavë dhe e vendosim në furrë në tempëraturën 180 gradë për 30 minuta.

 

Ju bëftë mirë!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gazment, rrugës për në SPAK merr edhe këto letra me vete

Gazment, rrugës për në SPAK merr edhe këto letra me vete