Receta e parë: Pulë me salcë limoni
Përbërësit:
700 gr gjoks pule
2 lgj miell
1 kokërr limon (lëngu)
Kripë
1 gotë qumësht
4 lgj vaj ulliri
600-700 gr spinaq
1 lgj gjalp
Përgatitja:
Lajmë, thajmëfiletoto e pulës, i presim në kubikë dhe i pudrosim me miell.
Në një tigan ngrohim vajin dhe kaurdisim kubikët e pulës deri sa ato të zverdhen pak për 5-7 minuta. E spërkatim me lëngun e një limoni dhe e lëmë në zjarr për 2 minuta të tjera. Shtojmë qumështin dhe e lëmë të marrë valë në temperaturë të ulët për afërsisht 8 minuta deri sad he salca të jetë trashur pak, por edhe mishi të jetë gatuar.
Gjatë gatimit të mishit, vendosim spinaqin në një tenxhere me ujë të valuar me kripë, të ziejë për 2 minuta. Më pas e kullojmë dhe e shtrydhim me qëllim që spinaqi të mos ketë ujë.
Në një tigan shkrijmë gjalpin dhe kaurdisim spinaqin në temperaturë të lartë për 2-3 minuta. Mund të rregullojmë shijen me kripë dhe piper , arrë moskat, majdanoz e kopër.
Shërbejmë pulën me spinaq së bashku në një pjatë.
Pulë me salcë limoni
Receta e dytë: Vezë me lulelakër dhe proshutë
Përbërësit:
1 lulelakër mesatare
3-4 kokrra vezë
60 gr proshutë
2 lgj parmixhan i grirë
1 thelb hudhër
3 lgj vaj ulliri
Kripë dhe piper i zi
Përgatitja:
Ziejmë lulelakrën në ujë të valuar me kripë për 6 minuta ( aldente). Rrahim vezët, parmixhanin e grirë, kripë e piper të zi dhe i lëmë mënjanë.
Në një tigan me pak vaj, shtojmë proshutën në kubikë dhe e kaurdisim deri sa ajo të marrëngjyrë të verdhë. Shtojmë hudhrën të copëtuar, lulelakrën e zier dhe i kaurdisim mirë së bashku, pasi të kemi ulur temperaturën nën mesatare. Shtojmë vezët e përziera me parmixhan. E mbulojmë tiganin me kapak që të mpikset veza , i trazojmë ngadalë 2-3 minuta dhe e shërbejmë të ngrohtë.