Të gatuajmë me Zonjën Vjollca/Tavë me pulë e domate dhe Kastraveca të mbushur me krem djathi e domate

Përbërësit :

700 – 800 gr mish pule

3 qepë të mëdha

2-3 speca jeshil

1 spec pikant

1 gotë oriz (200 gr)

1 lugë çaji sheqer

Vaj ulliri 4 – 6 lugë gjelle

Kripë dhe piper i zi

Përgatitja :

Kjo recetë tradicionalisht është gatuar me mish qengji ose keci. Ne po e gatuajmë me mish pule për ta bërë pak më të lehtë në kalori.

Ngrohim vajin dhe fillimisht vendosim mishin e pulës me kripë me qëllim që të japim një skuqje të lehtë . e largojmë mishin dhe e mbulojmë atë që të rrijë i ngrohtë.

Në po atë yndyrë vendosim qepët të prera në fije të holla. Kaurdisim qepët deri s ato të zverdhen pak.  Shtojmë specat të prera në shirita, i kaurdisim pak duke  mos i skuqur përfundimisht. Shtojmë specin pikant.

Domatet i vendosim në ujë të valuar duke bërë një prerje kryq në majë të saj . I lëmë për 50 sekonda largojmë lëkurën shumë lehtë.

Presim domatet në feta jo shumë të holla dhe i shtojmë ato tek qepët. Shtojmë pak sheqer, kripë ,piper të zi dhe e lëmë domaten të ziejë pak. Vendosim copët e mishit në tenxhere me qëllim që të ziejë së bashku me domaten dhe qepën.

Shtojmë 1 gotë e gjysëm ujë të nxehtë dhe etrazojmë mirë. Me tavën që do të vendosim në furrë vëmë fillimisht copat e pulës dhe në tenxhere shtojmë oriz, e lëmë të ziejë me domate vetëm 5 minuta jo plotësisht. ( se do të vazhdojë zierja në furrë)

Shtojmë dhe gjellën e përgatitur në tavë duke mos i mbuluar copat e mishit. E vendosim në furrë në temperatirën 180 gradë për  25-30 minuta.

Receta e dytë : Kastraveca të mbushur me krem, djath dhe domate

Përbërësit ( për 1 kastravec, 1 porcion) :

1 kastravec i vogël

80 gr krem djathi ose gjizë pa  kripë

1 lugë çaji fara luledielli

3 domate qershi

Kripë dhe piper

Borzilok

Përgatitja :

Lajmë dhe thajmë kastravecin. E presim atë horizontalisht për së gjati në 2 pjesë të barabarta.

Me ndihmën e një luge të vogël pastrojmë farat e kastravecit. Vendosim faat e lulediellit në një tigan pa yndyrë dhe i skuqim ato deri sa të zverdhen.Presim domatet qershi në kubikë të vegjël duke larguar farat. Në një tas vendosim gjizë ose krem djathi. Shtojmë në të domatet në kubikë, farat e lulediellit, pak kripë dhe piper të zi. Mbushim hapësirat që pastruam nga farat . Grijmë pak borzilok sipër dhe i shërbejmë në vend të sallatës.

Ju bëftë mirë !

 

 

/b.ha./Shqiptarja.com