POP 5

Lajmet më të lexuara të 5 minutave të fundit

Sociale

Të gjakosur, dëmtime në kokë, e këmbë për t’ia ‘mbathur’ lëkundjeve...Mjeku i ‘tërmetit’ rrëfen tragjedinë e 26 nëntorit (VIDEO)

Në një rrëfim për Report Tv, mjeku i qendrës shëndetësore të Fushë-Krujës, rrëfen momentin e parë kur teksa ishte në detyrë ndjeu lëkundjet e fuqishme të tërmetit të 26 nëntorit. Teksa na tregon për pritjen njëra pas tjetrës të rasteve me dëmtime, mjeku Isuf Balliu thotë se nuk do ta harrojë kurrë dramën që shkaktoi ai tërmet.

Tërmeti i 26 nëntorit nuk do të fshihet lehtë nga memoria e shqiptarëve, përjetim i dhimbshëm që drodhi zemrat tona në ato orë të para të mëngjesit.

Mjeku Isuf Balliu me mbi 30 vite eksperiencë, ndodhej nëshërbim në Qendrën Shëndetësore të Fushë-Krujës, kur nisën lëkundjet e forta tëtërmetit dhe ka pritur të parët të plagosur. Pa kaluar 10 minuta tregon ai, nisën të paraqiteshin qytetarë të gjakosur me dëmtime nga më të ndryshmet.

“Po kam qenë në shërbim atë nate, ishte një përjetim i jashtëzakonshëm sepse unë e kam një farë moshe dhe nuk kisha kaluar ndonjëherë tërmet të tillë. Si nga ana njerëzore dhe nga ana shëndetësore ishte një tmerr i vërtet. Pasi pushoi tërmeti  për punë rreth 10 minutash kanë fillaur të vijnë urgjenca nga më të ndryshme, të gjakosur  me dëmtime në kokë edhe në trup por kemi pas edhe raste me fraktura sidomos të këmbëve, për të cilat iu dha ndihma e pare këtu dhe u derguan te spitali i Traumës ata me demtime traumatike me thyerje, të tjerët u mjekuan por një panik i paparë”, shprehet për Report Tv mjeku.

Lëkundjet e forta ndërprenë dhe energjinë elektrike, ndërsa të dëmtuarit ishin nga mosha të ndryshme. Nuk e harron momentin kur mësoi për tragjedinë që kishte prekur Thumanën më së shumti.

“Mosha të ndryshme kishin tentuar të dilnin, ishte errësirë sepse këtu ikën dritat, ra sistemi. Menjëherë kur pash se situata po përkeqësohej mora drejtorin që të përforcojë shërbimin se ne 3 veta ishim, një mjek dhe dy infermire. Njëri iku me ambulancën shoqërues dhe ngelëm vetëm unë dhe infermierja e shërbimit, dhe drejtori erdhi me minuta me gjithë personelin dhe i shërbyem në mënyrën më cilësore të gjithë rasteve. Por filluan erdhën lajmet për Thumanën dhe na shkaktuan tronditje më të madhe. Fillimisht morëm vesh për Thumanën, kur na erdhën dritat që morëm vesh për Durrësin na u shtua tmerri”, kujton mjeku.

Për mjekun Isuf Balliu ky tërmet ishtë një tmerr i vërtet që nuk do ta harrojë asnjëherë.

“Asnjëherë nuk kam përjetuar tërmet të tillë dhe mos e përjetoftë asnjeri në Shqipëri dhe në botë, ishte një tmerr i vërtet. Tërmetet ndodhin, kanë rënë dhe do bien por edhe nuk të lejn me harru. Eshtë pak e vështirë ta harrosh atë lloj tërmeti”, thotë ai.

Dëmtimet më të shumta që pritën mjekët në Fushë-Krujë ishin frakturat e këmbëve pasi nga nxitimi për të dalë jashtë, shumë qytetarë janë rrëzuar nga shkallët.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55