Tërhiqet Rusia, pranon Maqedoninë e Veriut me emrin e ri

Tërhiqet Rusia, pranon Maqedoninë e Veriut me emrin e ri

Vladimir Putin

Rusia do të përdorë emrin e ri zyrtar të Maqedonisë së Veriut në korrespondencat e ardhshme me shtetin ballkanik. Vendimi pason një periudhë me dyshime dhe akuza që Rusia ka shprehur rreth paktit të Prespës të arritur mes Shkupit dhe Athinës, duke i dhënë fund mosmarrëveshjeve 27-vjeçare mes dy vendeve.

Ministria e Jashtme ruse ka njoftuar se do e njohë Republikën e Maqedonisë së Veriut me emrin e saj të ri zyrtar dhe kushtetues. Diplomatët e Moskës informuan se njoftimin për ndryshimin e emrit e morën nëpërmjet ambasadës ruse nga Shkupi në datën 19 shkurt, dhe u vendos që vendi në korrespondencat e ardhshme zyrtare të referohet me emërtimin e ri.

Ndryshimi në qëndrim vjen vetëm pak muaj pasi Moska shprehu rezerva për Marrëveshjen e Prespës të arritur qershorin e kaluar mes Shkupit dhe Athinës.

Në muajin tetor, Rusia hodhi dyshime edhe për referendumin që Maqedonia mbajti në lidhje me marrëveshjen e shumëpritur, duke e komentuar pjesëmarrjen e ulët të popullsisë një formë bojkoti, madje duke i akuzuar politikanët e Shteteve të Bashkuara dhe të Bashkimit Europian për ndërhyrje në politikën e brendshmë të shtetit ballkanik.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet