Byroja ka përjashtuar me 10 ditë nga punimet e seancave të Kuvendit 6 deputetë të opozitës, pas kërkesës së depozituar nga PS një ditë më parë. Mes të përjashtuarve janë edhe kryetarja e LSI, Monika Kryemadhi si dhe nënkryetari i PD, Edi Paloka, ndërsa deputetët e tjerë janë Flamur Noka, Bardh Spahia, Endri Hasa, Ervin Salianji dhe Endrit Braimllari, të cilët do qëndrojnë 10 ditë jashtë seancave të Parlamentit. .

Mes të përjashtuarve është edhe deputeti i PS, Bujar Çela i cili do qëndrojë 5 ditë jashtë Kuvendit pas përplasjes me Kejdi Mehmetajn e LSI e cila gjithashtu është dënuar me pesë ditë. Masat e Byrosë vijnë pas incidenteve dhe dhunës në Kuvend gjatë seancës së ditës së hënë kur u votua Kryeprokurorja Arta Marku. Sipas vendimit të Byrosë, masa hyn në fuqi nga data 15 janar i vitit të ardhshëm kur edhe do të nisë sesioni i ri parlamentar.

Deputetët e përjashtuar: 

Monika Kryemadhi  - 10 ditë

Flamur Noka - 10 ditë

Bardh Spahia - 10 ditë

Kejdi Mehmetaj - 5 ditë 

Endri Hasa - 10 ditë

Ervin Salianji - 10 ditë

Endrit Braimllari - 10 ditë

Përjashtohet deputeti i PS

Bujar Çela - PS, 5 ditë

Sulmoi Ramën me 'çizme', Kryemadhi lexon betimin
Përpara Byrosë ka reportuar kryetarja e LSI, Monika Kryemadhi për të cilën PS kërkon përjashtimin nga Kuvendi për 10 ditë. Ajo nuk i është përgjigjur pyetjeve të ligjvënësve, por ka bërë betimin e deputetit. “Jam në përputhje të plotë. Betohem me nder se do të kryejë ndërgjegjen detyrën si deputet i popullit në Kuvend, do përfaqësoj denjësisht popullin, do t'i bindem Kushtetutës dhe ligjeve, do të mbroj liritë dhe pavarësinë e Shqipërisë, do të respektoj e do të mbrojë të drejtat dhe liritë e shtetasve, do të punojë me të gjitha fuqitë e mia për përparimin e atdheut, dhe mirëqënien e popullit tim. Përparimi i Atdheut dhe mirëqënia e popullit tim nuk është droga dhe krimi i organizuar”, është shprehur para Byrosë, Kryemadhi..

d.c-l.q/shqiptarja.com