Michigan, u abuzuan seksualisht nga mjeku, viktimat marrin 500 milionë dollarë dëmshpërblim

Universiteti i shtetit të Michiganit ka pranuar të paguajë 500 milionë dollarë dëmshpërblim për gjimnastet që janë abuzuar nga ish mjeku i ekipit, Larry Nassar.

Marrëveshja u njoftua nga një kompani ligjore kaliforniane, që përfaqëson 332 viktimat e Nassar, që kishte sulmuar vajzat nën maskimin e trajtimit mjekësor. Marrëveshja nuk përfshin publikimin e marrëveshje konfidenciale sipas një deklarate të avokatëve të universitetit.

Po ashtu kjo marrëveshje nuk adreson akuzat kundër grupeve të tjera, për të cilat Nassar ka punuar dhe nuk adreson as akuzat kundër komitetit të gjimnastikës dhe atij olimpik amerikan, apo pronarëve të impiantit në Teksas, ku gjimnastet trajnoheshin.

LEXO EDHE:
Mallakastër, 16-vjeçarja lindi foshnjën, Policia shpall në kërkim 'babain'! Në Divjakë po hetohet abuzimi ndaj 38-vjeçarit të sëmurë

Sipas avokatëve, 425 milionë dollarë do t’i paguhen akuzueseve dhe 75 milionë të tjera do të rezervohen për akuza të mundshme në të ardhmen kundër Nassar apo universitetit. Në deklaratën e avokatëve nuk sqarohej se si paratë do t’i shpërndaheshin çdonjërës prej akuzueseve të Nassar.

Shumë prej viktimave që i mbijetuan abuzimit seksual të Larry Nassar, nuk ishin të zemëruara thjeshtë me çka ai u kish bërë atyre, por ndjenin edhe se institucionet ia kishin lënë atij hapur mundësitë për abuzim. Universiteti i Michigan ishte vendi ku ai kish punuar prej vitesh dhe shumë prej gjimnazistyeve ndjenin se ankesat e tyre ishin injoruar.

Marrëveshja për kompensim është një pranim nga universiteti në fjalë, nga fakti se ngjarjet mund të kishin marrë një tjetër rrjedhë. Gjatë procesit të gjykimit, Larry Nassar u sulmua në gjykatë edhe nga babai i një prej viktimave.

TAG:
• abuzim seksual
• Larry Nassar
• Michigan

Sondazhi i ditës:

SPAK merr të pandehur Berishën për korrupsion pasiv, si e vlerësoni?

• Të drejtë

  79.6%

• Të gabuar

  16.2%

• Nuk e di

  4.2%

Vota total: 4975

Votat totale janë unike

• Sondazhi i ditës:

  SPAK merr të pandehur Berishën për korrupsion pasiv, si e vlerësoni?

  Të drejtë Të gabuar Nuk e di