POP 5

Lajmet më të lexuara të 5 minutave të fundit

Kronikë

Asnjë provë për abuzim në tenderë, rikthehet në detyrën e shefit të Rendit në Shkodër, Saimir Rrustemi

Prokuroria nuk ka arritur të gjejë asnjë provë për akuzën e abuzimit në tenderë për ish-shefin e Rendit në Shkodër. Komisari rikthehet në detyrë, si triumf se e drejta del në dritë. Rrustemi gëzon detyrën dhe gradat. Bashkë me 13 efektivë të tjerë, u akuzua për rikonstruksionin e Komisariatit Malësi e Madhe

Shkodër- Policia e Shtetit ka rikthyer në detyrë një nga Komisarët e saj, që dy vite më parë u pezullua, arrestua dhe akuzua për tenderin e rikonstruksionit të Komisariatit të Malësisë së Madhe.

Saimir Rrustemi konfirmohet se së fundmi është riemëruar në detyrën që mbante më parë, si Shef i rendit në Policinë e Shkodrës. Ai ka zëvendësuar në detyrë Genc Reçin, i cili mësohet se është transferuar në postin e shefit të Stërvitjes në Forcat e Ndërhyrjes së Shpejtë, po në Shkodër.

Historia nis fiks dy vite më parë, në muajin Korrik 2022, kur Rrustemi, së bashku me 13 efektivë të tjerë të policisë së qarkut, ra në pranga si i “dyshuar në përfshirjen e disa tenderëve për rikonstruksionin e Komisariatit në Malësinë e Madhe, në vlerën 2 milionë lekë”, bazuar në një kontroll Auditi.

Saimir Rrustemi, gjatë një operacioni policor

Komisari i mohoi publikisht akuzat në atë kohë dhe madje u mbrojt në Gjykatë. Kjo e fundit pasi shqyrtoi aktet e dosjes së Prokurorisë, e liroi tre ditë pas ndalimit, duke lehtësuar masën në “arrest në shtëpi” dhe më pas “detyrim paraqitjeje” për Rrustemin, bashkë me të tjerët, më 24 Gusht 2022. Të njëjtin vendim mori edhe Apeli më pas, më 30 Gusht, duke lehtësuar masat.

Atëkohë u zhvilluan edhe protesta qytetare nga komuniteti në Shkodër, që kërkonin veçanërisht lirimin e komisarit, duke e cilësuar si një "efektiv të ndershëm", madje edhe para institucionit të Gjykatës.

Pasi kaloi një vit me hetime, Prokuroria nuk ka gjetur prova të arsyeshme për ta akuzuar dhe gjithashtu dënuar. Dosja dhe akuzat ndaj tij u pushuan.

Fillimisht Rrustemi u ul vitin e kaluar në detyrë, teksa u emërua në Dibër në sallën operative në Drejtorinë Vendore. Më tej u emërua shef i Krimeve në Komisariatin e Vaut të Dejës për pak muaj dhe këtë vit është rikthyer në postin që mbante para se të arrestohej dhe akuzohej.

Pasi u akuzua dhe nisi betejën për drejtësi, Rrustemi do shprehej: “Ju ishit forca ime! E drejta do dalë në dritë”, teksa tani ka rimarrë gradën dhe pozicionin e punës.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bravo: 19/08/2024 14:12

    Eshte njeri i perkryer, specialist i mrekullueshem, eshte aset i policise shqiptare. Drejtesia ne fund triumfon.

    Përgjigju
  • Sokol: 19/08/2024 13:27

    Sajmir Rrustemi me aq sa e njoh eshte nje profesionist,i ndershëm,dhe punetor.Keto lloj njerëzish i duhen Policisë,Shtetit,Kombit.Suksese Sajmirit e meriton dhe nuk do te zhgenjehen nga besimi qe i kane dhene.

    Përgjigju
  • Dudasjani: 19/08/2024 11:18

    Si kur Shkodra të ketë nja 10 profesionist dhe i ndershëm si Sajmiri në Shkodër do ishte rendi në rregull!por policia e Shkodërs është e mbushur me polic të pa ndershëm dhe bashkpuntorë të krimit.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29