POP 5

Lajmet më të lexuara të 5 minutave të fundit

Kronikë

U arrestua për goditjen me gurë në kokë të policit, bie akuza për protestuesin e PD-së në Fier

Policia në njoftimin e shpërndarë për mediat theksonte se arrestimi i Isufajt u bë pas analizimit të pamjeve filmike dhe provave të tjera të mbledhura. Por, sot Isufaj u lirua nga kjo akuzë.

FIER-Pëllumb Isufaj 56-vjeç me detyrë inspektor mjedisi në Bashkinë e Mallakastrës u arrestua në datë 10 mars nga policia me akuzën se goditi efektivin e FNSH-së me gurë në kokë gjatë tubimit kundër kryeministrit Rama, që po zhvillonte takime në këtë qytet në fundjavë.  Policia në njoftimin e shpërndarë për mediat theksonte se arrestimi i Isufajt u bë pas analizimit të pamjeve filmike dhe provave të tjera të mbledhura. Por, sot Isufaj u lirua nga kjo akuzë.

Ai së bashku me dy persona të tjerë, Enkeled Kafrani dhe Lavdimir Zykaj dolën sot para gjykatës së shkallës së parë në Fier. Seanca nisi në orën 15:15 nën masa të rrepta sigurie, pasi gjykata ishte e rrethuar nga efektivë të shumë për të shmangur incidentet.  Enkeled Kafrani dhe Lavdimir Zykaj u lanë në masën e sigurisë detyrim paraqitje, ndërsa për Pellumb Isufajn, prokurori kërkoi arrest me burg.

Por pasi avokati ka kundërshtuar kërkesën e prokurorit duke theksuar se nuk ka prova që ai të ketë  goditur me gurë policin e FNSH. Në këto kushte gjyqtari Pirro Sota dhe prokurori dhe një ekspert, oficer gjyqësor  janë futur në dhomën e këshillimit dhe pas diskutimit më shumë se një orë e gjysmë kanë vendosur që i dyshuari nuk ka qëlluar me gurë dhe nuk është personi që goditi policin duke e lënë në arrest shtëpie, por me dy akuza; kundërshtim të forcave të policisë dhe pjesëmarrjen në tubim të paligjshëm, ndërsa akuza për goditje të policit ka rënë.

Personi që qëlloi policin

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Jubileu 2025, Papa Françesku hap derën e shenjtë në burg

Jubileu 2025, Papa Françesku hap derën e shenjtë në burg

26 Dhjetor, 14:42