U arrestua për shpërdorim detyre, kreu i IKMT në Sarandë lejoi dhe favorizoi ndërtime pa leje nga persona të ndryshëm

Detaje të reja janë mësuar nga arrestimi i drejtorit të IKMT-së në Sarandë Nasim Hoxha. Sipas njoftimit të policisë, arrestimi i Hoxhës është bërë në vijim të operacionit "Mjegulla". 

57 vjeçari akuzohet se ka detyrën duke favorizuar dhe lejuar qytetarë të ndryshëm, për të kryer ndërtime pa leje, në territorin e bashkisë Sarandë.      

"Ekzekutohet masa e sigurisë “Arrest në burg”, për veprën penale “Shpërdorimi i detyrës”, për  kryeinspektorin e Inspektoratit të Mbrojtjes së Territorit, bashkia Sarandë.      

Shërbimet e Komisariatit të Policisë Sarandë, në vijim të operacionit policor të koduar “Mjegulla”, në kuadër të procedimit penal të regjistruar në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, për veprën penale “Shpërdorimi i detyrës”, kanë ekzekutuar masën e sigurisë “Arrest në burg”, të caktuar nga Gjykata e Sarandës për shtetasin:          
 N. H., 57 vjeç, banues në Sarandë, me detyrë kryeinspektor i Inspektoratit të Mbrojtjes së Territorit, bashkia Sarandë.          

Ky shtetas akuzohet se ka shpërdoruar detyrën duke favorizuar dhe lejuar shtetas të ndryshëm, për të kryer ndërtime pa leje, në territorin e bashkisë Sarandë. Materialet procedurale i kaluan Prokurorisë, për veprime të mëtejshme"-njofton policia. 

Lajmi kryesor:

Nën akuzë për shpërdorim detyre, arrestohet drejtori i IKMT Sarandë

B.V/Shqiptarja.com

TAG:
• Nasip Hoxha
• Vlore
• sarande
• IKMT