U bëri thirrje qeverive të huaja që të ndërpresin lidhjet me regjimin iranian, arrestohet mbesa e liderit suprem të Iranit

U bëri thirrje qeverive të huaja që të ndërpresin lidhjet me regjimin iranian, arrestohet mbesa e liderit suprem të Iranit

Lideri suprem i Iranit, Khamenei

Farideh Moradkhani, mbesa e liderit suprem të Iranit, Ayatollah Ali Khamenei, është arrestuar pasi u bëri thirrje qeverive të huaja të ndërpresin të gjitha lidhjet me qeverinë iraniane.

CNN bën me dije se Moradkhani u arrestua të mërkurën kur shkoi në zyrën e prokurorit në përgjigje të një urdhri të gjykatës, sipas një postimi në Twitter nga vëllai i saj Mahmoud Moradkhani.

Në një deklaratë video të shpërndarë nga vëllai i saj para arrestimit të saj, Moradkhani u bëri thirrje njerëzve në mbarë botën që t'i nxisin qeveritë e tyre të ndërpresin lidhjet me regjimin iranian në mes të protestave që kanë përfshirë kombin dhe t'u kërkojnë qeverive të tyre të "ndalojnë çdo marrëveshje me këtë regjim”.

“O njerëz të lirë, jini me ne dhe thuajuni qeverive tuaja të ndalojnë së mbështeturi këtë regjim vrasës dhe fëmijëvrasës. Ky regjim nuk është besnik ndaj asnjë prej parimeve të tij fetare dhe nuk njeh ligje apo rregulla përveç forcës dhe ruajtjes së pushtetit të tij në çdo mënyrë të mundshme”, tha ajo.

Farideh Moradkhani tha se iranianët janë në luftë me qeveritë që mbështesin regjimin iranian dhe u bëri thirrje vendeve demokratike që të tërheqin përfaqësuesit e tyre nga Irani dhe të dëbojnë përfaqësuesit e Iranit nga vendet e tyre.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Debati për ish-agjentin e FBI, sipas jush kush ka të drejtë?



×

Lajmi i fundit

Përplasi me makinë të miturin dhe tentoi të largohet nga vendngjarja, policia arreston 53 vjeçarin në Vlorë

Përplasi me makinë të miturin dhe tentoi të largohet nga vendngjarja, policia arreston 53 vjeçarin në Vlorë