POP 5

Lajmet më të lexuara të 5 minutave të fundit

Kronikë

U dëmtua gjatë tërmetit, Insituti i gjeologjisë shpime në kullën e kalasë së Krujës për verifikime

Vijojnë verifikimet në terren për dëmet e pësuara nga tërmeti në kullën e sahatit në kalanë e Krujës. Insituti i gjeologjisë po kryen shpime në territorin poshtë kullës së sahatit për të parë shtresat e tokës që të vendoset nëse ka nevojë për ndërhyrje në riparimin e saj.

Insituti i gjeologjisë vijon verifikimet në kullën e sahatit në kalanë e Krujës pas dëmtimeve që pësoi nga tërmeti i 26 nëntorit. Shpimet po kryen në territorin poshtë kullës së sahatit për të parë shtresat e tokës që të vendoset nëse ka nevojë për ndërhyrje në riparimin e saj. Deri më tani janë zhvilluar disa studime për përcaktimin dhe vlerësimin e bazamentit të kullës në kalanë e Krujës.

Kulla e kalasë së Krujës ose siç quhet ndryshe Kulla e sahatit, është ndërtuar në shekullin e 12 dhe shërbente si kullë vrojtimi. Ndër shekuj kjo kullë ka pësuar dëmtime. Ku më i fundit ka qenë për shkak të lëkundjeve sizmike që tronditën vendin tonë.

Pjesa e sipërme e kullës i është nënshtruar një rikonstruksioni në 1981 ku dhe atëherë u dëmtua nga tërmeti apokaliptik që shkaktoi dëme kryesisht në zonën e Lezhës dhe Shkodrës. Kulla e sahatit në kalanë e Krujës pësoi dëmtime serioze në pjesën e sipërme të saj. Edhe në një fragment të filmit “Gjurmë në Kaltërsi “ prodhim i 81 shihet në sfond kulla e përgjysmuar.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Euro 2024/ Rrufeja ndërpret ndeshjen Gjermani - Danimarkë, futbollistët në dhomat e zhveshjes

Euro 2024/ Rrufeja ndërpret ndeshjen Gjermani - Danimarkë, futbollistët në dhomat e zhveshjes

29 Qershor, 21:39