U denoncua nga 16-vjeçarja për abuzim seksual, autori i dyshuar i bie murit me kokë : Nuk është e vërtetë, s'dua të jap më shpjegime

Është zbardhur dëshmia e 54-vjeçarit K.H, i cili akuzohet se ka abuzuar seksualisht me një vajzë të mitur. Report Tv mëson se para oficerëve të Policisë Gjyqësore në Gjirokastër, 54-vjeçari thotë se është marrë me forcë mbrëmjen e djeshme në ambientet e policisë, pasi kërkonte të mësonte se pse po shoqërohej.

Ai është marrë në pyetje në orën 23:30 të mbrëmjes së djeshme në një situatë të rënduar të shëndetit mendor. Kur i është komunikuar ngjarja ai ka filluar që të bërtasë dhe ka replikuar me oficerin e policisë gjyqësorë, ndonëse ishte prezent dhe një avokat i vendosur nga shtetit.

Mësohet se 54-vjeçari ka mohuar të gjitha akuzat e ngritura të pretenduara për përdhunim sistematik nga 16-vjeçarja.

‘Nuk janë të vërteta, nuk dëshiroj të jap asnjë lloj shpjegimi për këtë ngjarje të montuar, por do të shprehem në një moment të dytë’- ka deklaruar ai.

Seanca pyetësore është karakterizuar me pauza disa minutëshe për shkak të gjendjes tepër të renduar emocionale të 54 vjeçarit i cili në një moment i ka rënë murit me kokë. Pas refuzimit të dhënies se shpjegimeve të tij.

Dosja hetimore nuk është dorëzuar ende në organin e akuzës, pasi pritet të plotësohet me dy dëshmi të tjera. Pritet që sot pasdreke ose nesër në mëngjes dosja t’i dorëzohet prokurorit të çështjes që është specializuar për rastet e dhunimit të fëmijëve.

Lajmi kryesor:

Gjirokastër/Dyshohet se abuzoi seksualisht prej 4 vitesh me 16-vjeçaren, ndalohet 53-vjeçari! E ëma e minorenes: Dua të vdes,mendoja se na përkrahte si xhaxha i burrit

M.Q./Shqiptarja.com

TAG:
• Gjirokaster
• abuzim seksual