Ervin Shahini pritet të ekstradohet të premten (5 prill) drejt Shqipërisë. Ai u arrestua në Korenë e Jugut më 26 janar të këtij viti me kërkesë të shtetit shqiptar.
50-vjeçari u arratis nga Shqipëria pasi u dënua me burgim të përjetshëm për vrasjen e një taksisti në vitin 1995, në Tiranë në rrugën e Kavajës.
Shahini tentoi ta grabiste taksistin duke shkaktuar vrasjen e tij dhe plagosjen e 4 të tjerëve. Që prej arratisjes ai kishte përdorur një emër tjetër për t’u identifikuar.
Vrasjen në vitin 1995, Shahini e kreu me thikë dhe plagosi po me armën e ftohtë disa taksistë të tjerë. Shahini udhëtonte me taksi dhe pasi faturohej ai i godiste me thikë drejtuesit e automjeteve pasi shkonte në destinacion duke iu marrë automjetin dhe largohej nga vendi i ngjarjes.
Ndërsa për ngjarjen ku mbeti i vrarë një shtetas, Gjykata e Apelit në Tiranë e dënoi me burgim të përjetshëm për veprat penale “Vjedhja me dhunë me pasojë vdekjen”. “Vjedhja me dhunë”, kryer në bashkëpunim dhe “Largimi i të burgosurit nga vendi i qëndrimit”.
Arrestimi në Republikën e Koresë gjatë muajit janar, u realizua në kuadër të operacionit “INFRA ATLAS” dhe si rezultat i shkëmbimit të inteligjencës policore, ndërmjet Drejtorisë së Interpolit, Interpol Seulit dhe Sekretariatit të Përgjithshëm të Interpolit (Sektori Fugitives Investigative Support (FIS)).
Lajme të tjera
-
Ekstradohet nga Koreja e Jugut vrasësi i taksistit në 1995! Ervin Shahini prej 13 vitesh fshihej në Seul, ishte martuar me një grua koreane
6 Prill, 10:42
-
I dënuar me burg përjetë për vrasje e 4 plagosje, ekstradohet nga Koreja e Jugut 50 vjeçari Ervin Shahini! Si u arratis në '97 nga Shqipëria
5 Prill, 21:43 -
U arratis në 97' pasi vrau një taksist dhe plagosi 4 të tjerë! Ky është Ervin Shahini që u kap në Korenë e Jugut (FOTO)
9 Mars, 17:27 -
U arratis në 1997, arrestohet në Korenë e Jugut Ervin Shahini! U dënua me burg përjetë për vrasjen e taksistit dhe 4 plagosje
26 Janar, 12:53
