I dënuar në 2006-tën për korrupsion si drejtor i tatimeve në Vlorë, gjykata sekuestron dy apartamentet dhe një tokë arë të Edison Frakullës

I dënuar në 2006-tën për korrupsion si drejtor i tatimeve në Vlorë, gjykata sekuestron dy apartamentet dhe një tokë arë të Edison Frakullës

Gjykata e Rrethit Gjyqësor, Vlorë

Gjykata e Vlorës ka vendosur nën sekuestro pasuritë e ish drejtorit të tatimeve në qytetin e Vlorës, Edison Frakulla. Mësohet se Frakullës i janë sekuestruar dy apartamente dhe një arë me sipërfaqe 2900 metër katrorë.

Sipas vendimit të publikuar nga prokuroria, mësohet se Frakulla është arrestuar më herët në qershor të 2006-tës ku është dënuar me 16 muaj burg dhe 1 milionë lekë gjobë pasi u kërkonte biznesmenëve në mënyrë indirekte 10% të të shumës së rimbursueshme nga shtetit për pagesën e TVSH-së.

Pasuritë e sekuestruara të tij janë të pajustifikuara duke marrë në shyrtim edhe të ardhurave të fituara në mënyrë ligjore. Si rezultat dyshohet se pasuritë e tij janë krijuar duke u mbështetur në veprimtaritë kriminale të korrupsionit. Sipas gjykatës ka arsye të bazuara për të besuar se lidhur me pasuritë e mësipërme ekziston rreziku real për humbjen, marrjen apo për transferimin e saj tek persona të tjerë, me qëllim për të bërë të pamundur konfiskimin e këtyre pasurive.

Pasuritë e sekuestruara:

Pasuria nr.6/1 ZK 1012 Aliban Vlorë, vol 1 faqe 98 llojit tokë Arë me sip 2900 m2, blerë nga shtetasi E. F., shtetasit Dh.Q., etj, sipas kontratës nr 952 rep 436 kol datë 08.04.2015, për vlerën e 800.000 Lekë.

Pasuria nr 109/239+2-6, vol 46 fq 14, ZK 3292 Tiranë, e llojit apartament me sip 49.30 m2 dhe verandë me sip 21.8 m2, blerë sipas kontratës nr.615 rep 182 kol, datë 22.02.2019, për vlerën e 49,690 Euro, regjistruar në emër të E. F.

Pasuria nr 109/239+2-5, vol 46 fq 13, ZK 3292 Tiranë, e llojit apartament me sip 81 m2, blerë sipas kontratës nr.615 rep 182 kol datë 22.02.2019, për vlerën e 56,710 Euro, regjistruar në emër të E. F.

Arrestimi i Edison Frakullës u bë pasi ky i fundit raportohet se kishte përfituar një shumë që i përkisht 10 përqindëshit të TVSH-së që duhej rimburusuar. Pas verifikimeve të kryera asokohe mësohet se procedurat e marrjes së kësaj pjese të TVSH-së vështirësoheshin me qëllim përfitimin e këtyre parave. Pas hetimeve të kryera nga agjentët e antikrimit ekonomik të Drejtorisë së Policisë së Vlorës janë mbledhur faktet dhe provat që çuan në arrestimin e tij që u bë i mundur pas kallëzimit të bërë nga një prej përfaqësuesve të biznesit në Vlorë.

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake