POP 5

Lajmet më të lexuara të 5 minutave të fundit

Kronikë

Familja e pacientes dhunoi stafin mjekësor të QSUT-së, reagon MSH: Të zbardhet sa më parë ngjarja

Ministria e Shëndetësisë dhe Mbrojtjes Sociale ka reaguar këtë të enjte ndaj dhunës së ushtruar mbrëmjen e të së mërkurës ndaj mjekëve dhe një infermiereje së Qendrës Spitalore Universitare "Nënë Tereza".

Familja e pacientes dhunoi stafin mjekësor të QSUT-së, reagon MSH: Të zbardhet sa më parë ngjarja

Foto ilustruese

Ekipi mjekësor i Qendrës Spitalore Universitare “Nënë Tereza” ka rënë pre e dhunës së ushtruar mbrëmjen e të së mërkurës. Familjarët e një pacienteje të shtruar kanë dhunuar mjekët dhe infermieren e turnit në Urgjencën e Sëmundjeve të Brendshme.

Ndaj këtij akti ka reaguar Ministria e Shëndetësisë, duke e cilësuar të shëmtuar dhe të dënueshëm. Ministria e Shëndetësisë i bën më tej apel opionit publik, për të mirëkuptuar dhe përkrahur bluzat e bardha gjatë punës së tyre.

"Personeli shëndetësor, në mënyrë të veçantë ai i Urgjencave është në shërbim të qytetarëve natën dhe ditën, për të dhënë ndihmën e parë në kohën e duhur, duke shpëtuar jetë. Vetëm në urgjencat e QSUT paraqiten mesatarisht rreth 315 mijë raste në vit. Një volum pune i jashtëzakonshëm që përballohet me përgjegjshmëri dhe profesionalizëm nga ekipet e urgjencave 24/7. Kujdesi shëndetësor që duam ka në themel frymën e besimit, ofrimin e kujdesit të pakushtëzuar, pavarësisht statusit social të atij që ka nevojë, por njëherësh, moscënimin dhe respektin ndaj figurës së mjekut dhe infermierit.

Duke inkurajuar organet kompetente të zbardhin sa më parë ngjarjen, Ministria e Shëndetësisë dhe Mbrojtjes Sociale  bën apel opinionit publik, të mirëkuptojë dhe përkrahë bluzat e bardha gjatë punës së tyre, të cilët pavarësisht situatave të krijuara, në asnjë rast nuk neglizhojnë misionin human, atë të dhënies së ndihmës së parë dhe shpëtimin e jetëve njerëzore", thuhet në reagimin e Ministrisë së Shëndetësisë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Haira poka: 24/11/2018 15:25

    Ju lutem te kontrolloni spitalin efektiv se eshte nje gjendje e mjerushme jam 15dite ketu dhe eshte katastrofe

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu